PDK-XOYBUN; wiha, di xizmeta, Kurd û Kurdistanê daye : Pirojeya Kurdistana Mezin, Pirojeyên Aborî û Avakirin, Pirojeyên Cand û Huner, Lêkolîna Dîroka Kurdistanê, Perwerdeya Zimanê Kurdî, Perwerdeya Zanîn û Sîyasî, Weşana Malper û TV yên Kurdistane.

FÛAD SÎPAN (AKPINAR)

Almanya, 18.02.2004

Dema li herêma Serhadê yek ji yekî re derewek mezin dike, jê re dibêjin, ”weylê mala derewçiyan şewitî”. Serokwezîrê Tirkan qubedeyî (kabadayı) yê Kasim Paşa Recep Tayip Erdoğan di gel televîzyona Tirkan Kanal D di bernama Fatih Altaylı de di 16.02.2004an de wiha dibêje, ”Kürtler benim canım ciğerim” (Kurd can û cîgerê min in) û rojnama Hürriyet jî di 18.02.2004an de ev gotinên Recep Tayîp Erdoğan kiriye sernûçe (manşet).

Ê baş e, madem ku Kurd can û cîgerê Recep Tayîp Erdoğan in, ew çima di her derfetê de kîna xwe li dijî Kurdan direşîne û Kurdan tehdît dike?.

Ka binêrin qubedeyî (kabadayı) yê Kasim Paşa Recep Tayip Erdoğan ji vir demek berê di der mafên Kurdan de di rojnameya ereban de, ya bi navê ”Havadîs”, ku li Beyrûtê têye weşandin, di meha yekem a sala 2004an de çi? Dibêje, ew derbarê mafên Kurdan de wiha dibêje, “Eger li Arjantînê jî dewletek Kurdan bêye damezirandin, emê li dijî wê jî şer bikin”.

Ev ne cara yekem e, ku qubedeyî (kabadayı) yê Kasim Paşa Recep Tayip Erdoğan derbarê mafên Kurdan de wisa kîna xwe direşîne. Ewî berê jî rûçikê xwe rayê Kurdan dabû û di roja 24.12.2002an de li Moskovayê bi karkerê Kurd ê ji Qersê yê bi navê Zülfikar Boran re li ser kêşeya Kurd kete nava niqasan û got: ”Ez dibêjim kêşeyake wiha tune ye.”

Bê guman ev gotinên serokwezîrê Tirkan qubedeyî (kabadayı) yê Kasim Paşa Recep Tayip Erdoğan ne ji dil de ye, ev gotinên sexte ne û Recep Tayîp Erdoğan ji ber ku hilbijartina herêman nêzîk maye, loma dixweze bi van gotinan, bi hest û hisên Kurdan bilîze û Kurdan bixapîne, ku Kurdên Bakur partiya wî hilbijêrin û rayên Kurdan ji DEHAPê re neçin.

Hêviya min jî ew e, ku Kurd rayên xwe nedin partiya Recep Tayîp Erdoğan, bidin namzetên xwe yanê DEHAP ê û dîsa neyên lîstikên Osmaniyan.

Gotineke Tirka heye, dibêjin, ”Yalancının mumu yatsıya kadar yanar” (mûma derewçînan heta razanê vêdikeve)

Ez jî dibêjim, derewên Tirkan dê di demeke kurt de vemirin.