PDK-XOYBUN; wiha, di xizmeta, Kurd û Kurdistanê daye : Pirojeya Kurdistana Mezin, Pirojeyên Aborî û Avakirin, Pirojeyên Cand û Huner, Lêkolîna Dîroka Kurdistanê, Perwerdeya Zimanê Kurdî, Perwerdeya Zanîn û Sîyasî, Weşana Malper û TV yên Kurdistane.

FÛAD SÎPAN ( AKPINAR )
MAMOSTE NAZÎF KALELÎ ÇÛ SER DILOVANIYA XWE
XOYBUN - COM / ALMANYA, 26. 04. 2005 - Mamostê min, Nazif Kaleli îro ( 26.03.2005 ) koçê xwe ji nav me bar kir û çû ser dilovaniya xwe. Min mamoste Nazif Kaleli di dawiya salên 1980î de li Stenbolê nas kir. Ew wê demê nû ji zîndanê derketi bû. Mamoste Nazif Kaleli jî wek pir rewşenbîr û welatparêzên Kurd bi salan di zîndana Amedê de îşkence xwar. Mamoste Nazif Kaleli di pê derketina zîndanê de ti demê tenduristiya wî baş nebû û ewî pir caran operasyona dil derbas kir.

Mamoste Nazif Kaleli mirovekî pir zana, nefsbiçûk, bi bîr û bawer bû. Wî hêviya xwe ji serketina doza gelê Kurd û Kurdistanê nebirî û heta roja mirinê tekoşîna xwe berdewam kir.

Mamostê min, Te bi rûmetî jiyana xwe berdewam kir û beşdarî lehengên karwanên Kurdistanê bûyî û ji nav me qetiyayî û çûyî. Lê yên Tu îşkence kirin û yên êrişî Te kirin, ku Te biçûk bixînin, wan winda kiriye û dê her dem bê rûmet bimînin.

ALMANYA, 26. 04. 2005

FÛAD SÎPAN ( AKPINAR )
fuadsipan@yahoo.de