PDK-XOYBUN; wiha, di xizmeta, Kurd û Kurdistanê daye : Pirojeya Kurdistana Mezin, Pirojeyên Aborî û Avakirin, Pirojeyên Cand û Huner, Lêkolîna Dîroka Kurdistanê, Perwerdeya Zimanê Kurdî, Perwerdeya Zanîn û Sîyasî, Weşana Malper û TV yên Kurdistane.

MA QOMUTAN ! EV KER E, TU JÎ KER Î

Çîrokên Rojdîtî - 8 -
Di sala 1938 an de, wa dema ku Moxolên çavsor û dest bi xwîn, biryara tevkuştina Dêrsimê dabûn, Memê Reş hê asê ne bûbû. Wê demê gundiyeki belengaz e. Ji kê re alîkarî pêwist be Memê Reş alîkariya wanan dike.

Carcaran diçe zeviyê, şelagên genim li mankera xwe bar dike, carcaran ji bo çêkirina xaniyan kevir û ristimên giran, carcaran jî diçe daristanê êzingan dikişîne ber malan. Zikek têr zikek birçî debara xwe dike. Rojekê ku manker di gel kurriyê ( conker - dehşik ) xwe li mêrgê di çêre, leşkerên Moxolan bi mavzerê li mankerê direşînin û di cî de geber dikin. Kurrî ji ber wan filitî û baz dide ber bi mal tê û canê xwe ji destê wan xwinxweran azad dike.

Pişti wê bûyerê, Memê Reş wê kurriyê kerê baş xwedî dike. Hemu pêwendî û hevotina xwe dide kurriyê. Dema ku gazî dike ew tê, dibê here ew diçe. Dema ku dibê raweste ew radiweste. Bi ruh û hestên mirovî xurt û qelew dibe. Ji ber ku nêrker e, navê wi Mistê Kemal datîne.

Mistê Kemal piştî çend salan mezin dibe û dikeve bin bar. :
Ji rojan rojekê di berbanga sibê de, Memê Reş kerê xwe kar dike, rûn û toraq, hêk û qeliyê, petîx û hirmiyan li wi bar dike û derdikeve ser rê ya bajêr, ku ewan bifiroşe, hinek dirav qezenç bike û ji bo malê çay û şekir bikire.. Memê Reş pênç demhejmar şûnde digihê bajarê Xarpêt ê. / Elaziğ /

Diçe navçeya bajêr, kerê xwe bi peykerê Mistê kor ve girê dide û erzaqên xwe pişt dike û dadikeve nav bazarê. Hemu erzaqên xwe li wê derê difiroşe û şûn ve dizîvire ku bê gel kerê xwe. Di wê nişkê de serokleşkerek li gel çend leşkeran ve di navçeya bajêr re derbaz dibin. Dema ku çavê kerê li kerê leşkeran dikeve dike zirezir û xwe virde û wirde dileqîne, peyker ji erdê radike û li pey xwe dikişîne ş li pey kerê leşkeran dikeve.

Memê Reş jî beranberi wê dûrişmê xirab bi qêre qêr bang dike. :
- Raweste Mistê Kemal.! Raweste.. Ma tuyê bi destê min nekevî, ezê bikutim rohniya çavên te..

Memê Reş gelek baş dizane ku wê demê ew gundiyên ku hatine bajêr û Kurdî axaftine.wan hemuyan ceza xwariye û ji bo hevokek axaftina Kurdî pênc qirûş dirav ceza dane.

Ji bo wê sedemê leşker rê li Memê dibirin û serok leşker bi hêrsketî pekinî ser Memê :
- Lo mirovo, bê aqil û fahmker, ma tu nizanî axaftina Kurdî qedexeye ?

Memê Reş stüyê xwe xwar dike û dibêje :
- Ez ê reben çi bikim qomutan (s erleşker), kerê min Tirkî nizane. Ma te nedît min çiqas bêçare kire qêreqîr da ku Mistefa Kemal rawestînim.

Serokleşker serê xwe dihejîne û bi dengeki qur :
- Tu jî, kerê te jî hûn herdu nalebarin.
- Ma çi gunehê min tê de heye ?
- Huş pisê heram. Min bese va galegalê ku tu diki, ezê te bidim mehkemê, we têxim heps û zîndanan. Ma tu nizanî ewên ku peykerê serokkomarê me, ê bavê me bişkînin em tucarî wan efu nakin ?
- Qomutanê mezin û birêz, ez ketime bextê te. ( destê xwe dike bêrika xwe û lepek dirav pêşkêş dike ) va ye mafê zerar û ziyanê we, vê carê min bibexşîne.. Ma qomutan ew kere, ma tu jî ker î ?.. Dê bistîne..

Serokleşker dema ku mistek dirav dibîne, bi çavên dizî li havîrdora xwe temaşe dike û diravan jî ji destê Memê Reş digire û dibêje :
- Vê carê te efû dikim û li vir bi cehnimê here..

Bi vî awayî Memê Reş pêsira xwe ji destê leşkeran xilas dike û diçe bi hefsarê kerê xwe digire û derdikeve ser rêya Palûyê. Li kerê siwar dibe, dide ber şivan ( rewt - darê zirav ) û ji kerê re qeyropeyro dike.
-Ma neyê bira te, dayika te çava kuştin.. Ma hun wisan hêyfa bav u kalên xwe digirin,. Kero ! Min vê carê bist dirav da u tu azadkiri.. Xwezi baqil mesikin e.. Ew Moxolên çavsor te bigrin, di bin barên xwe de dil u bende bikin

Adil Duran

Kurdistan Welatê Kurdaye - Her Bijî Kurd û Kurdistan
http://www.pdk-xoybun.com
http://www.xoybun.com/extra/slide/Unbenannt-2.swf

http://www.pdk-xoybun.com/nuceimages/Newroz_Kurdistan_PDK_Xoybun_x1.jpg

http://www.pdk-xoybun.com/nuceimages/Nexise_Kurdistane_PDK_b.jpg