PDK-XOYBUN; wiha, di xizmeta, Kurd û Kurdistanê daye : Pirojeya Kurdistana Mezin, Pirojeyên Aborî û Avakirin, Pirojeyên Cand û Huner, Lêkolîna Dîroka Kurdistanê, Perwerdeya Zimanê Kurdî, Perwerdeya Zanîn û Sîyasî, Weşana Malper û TV yên Kurdistane.

Çîmenên destên xwe bi min de werke
Çîmenên destên xwe bi min de werke

Helbex‏‏‏‏şan

Wane laşê min, bi toza ber lingên xwe bidêre, ev sal in û sal in û ez li benda hestên revok im.

Ez li bende me ku axîn û xweziy‏ên ku ji bînvedana te difirin bi ser min de werin .

Te ez kirim dilşewatiya ku ji bilûran diherike, dengvedana awazan ez li pûtperesta te mîna libên tireh bi lêvên xwedayên nediyar givaştim.

Keservedan im, êdî kal im ne ciwan im, êdî kopalên ji sitêrkan hûnandî jî nema karin min li şevên me vegerînin !

Qumriyê çi bêjim û çi nebêjim, ji hestên ji min ketî kîjanan bilorînim û kîjanan veciniqînim ?

Ne şînî û ne şahî êdî min nas dikin.

Ne roj û ne şev êdî li ber deriyên min radiwestin .

Ti hunermend û hostayên kev in û nû nema karin beşên ji temenê min weşyayî bi tiliyên xwe yên hevrimêşî li min wergerînin.

Belê û tu di laşê min de wendaye, ne xwîna min bê te bi jiyane û ne jiyana min bê te bi cih û war î .

Û tu her û her li min dikî baranên xwezayan mîna ku ez û tu bi tenha li nav van w‏êrana evîndar in .

Ingilistan 13. 04. 2005.

Mervanê Keleş

Kurdistan Welatê Kurdaye - Her Bijî Kurd û Kurdistan
http://www.pdk-xoybun.com
http://www.xoybun.com/extra/slide/Unbenannt-2.swf