PDK-XOYBUN; wiha, di xizmeta, Kurd û Kurdistanê daye : Pirojeya Kurdistana Mezin, Pirojeyên Aborî û Avakirin, Pirojeyên Cand û Huner, Lêkolîna Dîroka Kurdistanê, Perwerdeya Zimanê Kurdî, Perwerdeya Zanîn û Sîyasî, Weşana Malper û TV yên Kurdistane.

Keftar !
-1 -
Di civcateke rewşenbîrî de / li xatirxwestina rewşenbîrên Binxetê, yên ko çûne konferansa edebiyeta Kurdî li Serxetê / gengeşeke kurt li ser festîvala helbesta Kurdî li Sûriyê vebû. Endamekî komîta birêvebirina festîvalê, li ser bidawîanîna festîvalê, axifî, got : "Me navên endamên komîta birêvebir û partyiyên piştgir jî....". Lê, dengekî axaftina wî birî, got : "her yek ji me weke Keftarekî ye... çima... em... rolnaskirin... rewşenbîr... kar û xebat.. siyasetmedar... erk û armanc....".

Bi kurtî, bi gotina Keftar re, min xwe winda kir. Ez ji gengeşa civatê hatim birîn. Min peyvên bel-wela dibihîstin, lê wan gotinan, di mejiyê min de, hev ne digirtin û ne dibûn hevokên watedar. Erê, gewdê min li wir ma, lê hiş û hoşeyên min di qurçikin din de diçêrîn. Bi kurtî, ji civatê firîbûn û li mêrg û çiyayên xweristê danîbûn. Wilo, ez ketim xilmaşiyske bêsînor de.

Ez hinga bi hiş xwe hatim, dema min hest kir, ko pêçiyek di tengala min de çikizî û pl re dengek kete guhên min, got : "Mamoste, şekirekî bişkîne...!".

- 2 -
Ez li kû, şekirşikandin li kû !. Ez bi vê pirsê re veciniqîm. Min nema zanîbû çi li dora min qewimî ye.Lê min di xwe dernexist, ko ez ne li civatê me. Belê, ji gengeşa civatê tenha peyva "Keftar" bi min re meyî bû û di serê min de digijmijî.

Min teyrê xwe li mijê berda, min got :
Keftar cinawerekî bi hêz e û ne destevîl e, lê bi dilovanî tê girtin. Girtina wî jî cegerdarî jê re divê. Ev şêweyê nêçîrê jî, li ba Kurdan, folklorî ye. Wilo, yekî bi ceger, tevî ciherekî tije kuç û kevir, xwe diberde kuna Keftêr. Bi derbasbûna xwe re, bi dengekî zîz û dilovan dibêje : "Kefar î çak î pak e, ciher lê ke dey nake....", tanî destên xwe dighîne gewdê wî û pê re-pê re wî tîmar dike, dixwerîne û ciher dixe sukra wî. Piştî ciher dikeve sukra Keftar de û tîşikên wî têne girêdan, êdî Keftar bê serêş dide pey nêçîrvan û ji kuna xwe derdikeve.

-3-
Belê, mirov bi vî şêweyî Keftar ji kunê derdixe û dike nêçîr. Lê, çawa Keftar nêçîra xwe dike, dema ev nêçîr mirov be ?. Belê, dema nêçîr mirov be, Keftar cirîdeke rengxelekane li dora nêçîra xwe dike. Ango, bi rev û bazdan di çerxa xêzeke mezin de digere û dihêle nêçîra wî di sentera/nîvê/vê xêzê de bimîne. Wilo, sawa xwe dixe dilê nêçîra xwe de û hin bi hin xêza xwe lê teng dike. Dema dipelîne, ko tirs ketiye dilê nêçîra wî de, xwe nêzîkî wê dike û bi gupika teriya xwe de mîz dike. Li nêzîkbûnê wê gupika bi mîzê şil li ser çavên nêçîrê diweşîne.

Dibêjin, hinga mirov ji hiş xwe diçe û bê serêş dide pey Keftêr, tanî pê re dikeve kuna wî de. Wilo, Keftar nêçîra xwe derbasî kunê dike, lê wê bi saxî naxwe, wilo jî wê birîndar nake. Tenha wê dikirkirîne, tanî ji ken û tiqtiqê dil lê radiweste. Piştî dilrawestanê, ji nû ve, dev tavêje nêçîra xwe û xwe jê têr dike.

- 4 -
Erê, min ev serborî digotin, lê ez ne li hewata civînê bûm. Wilo, dengek kete guhên min, got : "Te dawiya wê anî.... de rabin, lê dereng e...". Lê min çi digot, çima digot û dawiya çi anî, ez tê negihiştim.

Rezoyê Osê
Rojava yê Kurdistan
Bajarê Qamişlo
Dema nivisandina nivîsê : 05. 11. 2003
Dema weşana nivîsê : 03. 05. 2008

Rezoyê Osê

Fermo, li vir mizeke !

Kurdistan Welatê Kurdaye !

www.pdk-xoybun.com

PDK - XOYBUN ê Biparêzin !

Kurdistan Welatê Kurdaye ! ( Kurdistan Map )

Kurdistan Welatê Kurdaye !

Fermo, li vir mizeke !

Piroje ya Kurdistan a Mezin !