| |
BILA TIRK BI EDEB Û MEDENÎ BIN -II-
(978 gotin)
(4489 car hat xwendin) 
(Serokomarê Fransa Jacques Chirac Kopengagen, 13.12.2002)
Rojnameya tirkan Hürriyet di her derfetê de (firsatîda) kîna xwe li dijî kurdan dirijîne. Kesên ku Tirkiyeyê rexne dikin û kesên ku kêfa wan jêre nayê piçûk dixîne û tiştên pir xerab dibêjin. Hürriyetê ev tişt ji xwe re kiriye wekî pîşe (meslek) an jî mijûlahî. Hürriyet (18.02.2003) vê carê jî êrişê dibe ser malbata Barzanî û di dinîvsa xwe de wiha dibêje:
“Derkete holê ku malbata Barzanî cihû ne.” (Barzani Ailesi’nin Yahudi olduğu ortaya çıktı) û wiha berdewam dike:
“Malbata Barzanî ku di şerekî îhtimalî de naxwaze leşkerên tirk bikevin bakurê Iraqê, derkete holê ku bi eslê xwe ji kurdê cihû ne û malbata wan gelek haham perwerde kirine. Endamê Konseya Perwerdehiyê yê UCLA’yê Prof. Yona Sabar ku bi xwe ji kurdên cihû ye ev îdîa di pirtûka xwe de piştrast kir. Dîrokzan Ahmet Uçar jî ji Arşîva Osmaniyan belgeyek der heqê hahamekî barzanî yê bi navê Sallum Barzanî ku pêşî bo Selanîkê û paşê jî bo Qudsê hatiye biderkirin (surgun) weşand.
Wekî ku tê zanîn jî Mele Mistefa Barzanî û kurê wî Mesûd Barzanî jî bi têkiliyên xwe yên bi Îsraîlê re têne nasîn. Îsraîl jî ji destpêkê ve heta niha serxwebûna kurdên Iraqê dixwaze û piştgiriya wan dike.” (Muhtemel bir savaşta Türk askerinin Kuzey Irak’ta yer almasını istemiyen Barzani Ailesi’nin, Kürt Yahudisi olduğu ve ailenin pek çok haham yetiştirdiği ortaya çıktı. Kendisi de bir Kürt Yahudisi olan UCLA öğretim üyesi Prof. Yona Sabar, yazdığı kitapta bu iddiaları doğruladı. Tarihçi Ahmet Uçar da, Osmanlı arşivlerinde, Sallum Barzani adlı bir hahamın önce Selanik’e, arkasından da Kudüse’e sürgün edildiğine dair bir belge yayımladı. Bilindiği gibi, Molla Mustafa Barzani ile oğlu Mesut Barzani, İsrail’le kurduğu iyi ilişkilerle tanınıyor ve İsrail öteden beri Irak Kürtleri’nin bağımsızlığını destekliyor.)
Niha ev gotin rast be an jî derew be tirkan çi elaqedar dike? Lê armanca Hürryetê û piraniya nivîskar û rojnameyên tirkan ne ew e ku der heqê kêşeya kurd û rêberên kurdan de rastiyê bibêjin belku armanca wan a herî mezin dijminahiya kurdan e. Ew bi vî awayî piçûkxistina kurdan e. Ew bi şovenîzma xwe ketine hingofiyek (saplanti) wisa mezin û kor bûne lewre riya xwe nabînin. Paranoya dewleta Kurdistanê, dewleta tirk û devrûtên wan xistiye nava depresyoneke mezin. (depresyon nexweşiya rihî û derûnî ye). Ji ber ku gelê kurd qedera xwe daye destê xwe û dixwaze di Rojhilata Navîn de bi xwe biryar bide û demokrasiyeke xurt di welatê xwe de pêk bîne. Lewma dewleta tirk û devrûtên wan bi vî awayî êrîşê dibin ser gelê kurd û dixwazin gelê kurd û malbata Barzanî piçûk bixînin û wan li ber kurdên misliman û bi taybetî li ber çavên kurdên Bakur reş bikin. Ji ber ku ew jî dizanin hêdî hêdî roja kurdan ber bi ronahiyê ve diçe û vê yekê hêjayî gelê kurd nabînin. Dewleta Tirk û piraniya nivîsar û çapemeniya wan berê bi şantaj û gefan dest pê dikin. Gava şantaj û gefên wan bi kêr nayên îjar bi siyaseteke qirêj û kotîkirinê berdewam dikin.
Rojnameya Hürriyet di xizmeta wan de ye û daxwazên wan bi cih tîne. Di cîhanê de pir netewe hene ku ola (dîn) wan ji hev cuda ye. Tu kes vê yekê ne wekî kêmasî û nejî xerab dibîne. Ev di nav welatên medenî de wekî pir-rengî û pirdengî tê qebûlkirin.
Dewleta tirk her dem ev siyaseta xwe ya qirêj domandiye û kîna xwe li ser gelê me rijandiye. Kesên ji bo kurdan kar bikin, li ber çavên wan an ermenî ne û yan jî cihû ne. Hürriyet dinivîse û dibêje malbata Barzanî cihû ye û ev derketiye holê. Hürryet heta li ser kok û dîroka kal û bavên me kurdan disekine, bila berê ewil li ser koka bav û kalên xwe biskine. Di destpêka nivîsê de xuya ye ku meseleya wan ne ew e ku malbata Barzanî cihû ne yan jî ne cihû ne. Hürriyet dibêje: “Dibe ku şer li Iraqê biqewime û Barzanî nahêle leşkerên tirk herin bakurê Iraqê...” Niyeta wan li vir pir eşkere ye ku ew acizî û nerazîbûna wan li ser leşkerên tirk e ku gelê me nahêle here başûrê Kurdistanê. Ji bo vê yekê jî Hürriyet neçar e pehîn û heriyê belav bike. Gotinek tirkan heye ku dibêjin: “Heriyê (çamûr) bavêje bila rêça wê bimîne.” Ew di dîroka xwe de wekî din tiştek baş fêr nebûne.
Hürriyet dinivîse û dibêje: “Îsraîl ji berê ve alîkariyê dide serxwebûna kurdên Iraqê.” Ev yek nerast e. Eger lobiya cihûyan li Amerîka û dewleta Îsraîlê alîkarî ji bona serxwebûna Kurdistanê bidana gelê kurd, dewleta tirk tu car nedikarî di cîhanê de cirîtê bavêje. Bi rastî yên ku temenê dewlet û pergela Kemalîzmê dirêj kir lobiya cihûyan li Amerîka û dewleta Îsraîlê ye. Eger cesareta wan heye bila li dijî Îsraîlê siyaset bikin. Dewleta tirk niha dixwaze bi destê zorê bikeve başûrê Kurdistanê û gelê me yê Başûr jî bixe bin bandora xwe û xewn û xiyalên kurdan pûç bike. Gelê me li Başûr bi bawerî û bi biryar li ber xwe dide û nahêle dagirkerên tirk bikevin başûrê Kurdistanê lewma vê heriyê davêjin malbata Barzanî. Bila dagirkerên tirk, Hürriyet, nivîskar û çapemeniya devrût vê yekê baş bizanibin ku malbata Barzanî li her çar parçeyên Kurdistanêde kok û bingeh girtiye, topa wan lê bikeve jî nikare belav bike.
Malbata Barzanî û Mele Mistefa Barzaniyê nemir û qehreman di dilê gelê me de wekî deryayekê wekî behreke bêbinî cih girtiye û qet tu kes nikare nîfaqê têxe nava gelê kurd û malbata Barzanî. Ez gelê xwe yê Başûr bi dil û can pîroz dikim ku ew nahêlin dagirkerên tirkan bikevin başûrê Kurdistanê. Dewleta dagirker dixweze li başûrê Kurdistanê bi kevirekî li du çûkan bide, yanî hem bibe xwedî petrol û hem jî astengiyan ji bo siyaseta kurdan derxîne. Ez bi hêvî û bawer im ku dê vê carê daxwaza dagirkeran di qirika wan de bimîne.
|
[ Vegere: Fûad SÎPAN | Indeksa Beşan ] |
|
|
Ev malper, herî bash, bi Avant Browser, tê xuyakirin...
Download !!! 
