Ji bo bîranîna 15 saliya koçkirina Rewþen xanim Bedirxan ku dikeve roja 01. 06. 2007 an de
(1866 gotin)
(3630 car hat xwendin) 
  Emîre Rewþen Salih Bedirxan, 1909 – 1992 Ji bo bîranîna 15 saliya koçkirina Rewþen xanim Bedirxan ku dikeve roja 01. 06. 2007 an de Kurdistanîyên hêja ! Rewþen xanim Bedirxan; neviya mîrê Botan e, dotmama û kebaniya pispor û zimanzanê bejin bilind mîr Celadet Bedirxan e. Ji Bedirxaniyên pir belav di çar kenarên cîhanê de, ew mabû ku, pêmayê Bedirxaniyan ji, dîroka Cizîra Botan, mîrgeha mîr Bedirxan, serboriya mîr Celadet û Dr. Kamîran li ser refikên pirtûkxaneya hiþ û xeyalê xwe de di parast û bi zimanê kurdî di mala xwe de diaxifî di gel keça xwe Sînem xan.
Li gor 83 salên ku di sere derbas bûn, wê danûstandin bi welatparêzên kurdan re dikir û tev jêre bibû pend, zanîn, kurdzanîn û zanîndan.. Ta berî ku koça dawîn bike, Rewþen Bedirxan a tekane bû di nav Bedirxaniyan de ku navê Bedirxaniyan di parast. Wê jî mîna herdû pismanên xwe Mîr Celadet û Dr. Kamîran Bedirxan. Ji ber ku piraniya Bedirxaniyên din ji neçarî razî bûne ku li þûn navê Bedirxan ( Çinar ) bê nivîsandin, bi taybetî ew Bedirxaniyên ku li tirkiyê mane wek : Zarokên Tewfîq beg Çinar, ku niha li Stenbolê dijîn û zarokên Hikmet beg Çinar ku niha li Anqere û Adane dijîn û malbata Walî ku niha li Misrê, bajarê Feyûm dijîn û filimçêkirê bi nav û deng di nav Ereban de Ehmed Bedirxan û kurê wî rejîsorê navdar Alî Bedirxan û gelek Bedirxaniyên din ku niha li Misirê dijîn, ji bilî Bedirxaniyê ku li sûriyê ne wek : Zarokên Yûsif Bedirxan, ku niha li Þamê, taxa Mihacirîn dimînin û zarokên Sureya Bedirxan yên ku li Urdin, bajarê Eman in.. Lê mixabin nizanin bi zimanê Bedirxan, Tenê Rewþen xanim; navê Bedirxan, dîrok û zimanê wî bi xwe re hilanî û ta roja dawîn ji temenê xwe.
Rewþen xanim, di roja 11ê tîrmeha 1909 an de li bajarê Qeyserî hatiye dinyayê, dema ku bavê wê di sirgunê de bû. Ew ji rex bav ve, dibe; Rewþena Salihê Mehmûdê Salih ( birayê Mîr Bedirxan ). Ji rex dê ve ew dibe; Rewþena Samiya Bedrî paþa ( kurê Mîr Bedirxan ).
Rewþen xanim bi tenê çar sal ji biçûkaniya xwe li Stenbolê derbas kirine. Di sala 1913 an de, careke din Bedirxanî, ji Stenbolê û tirkiyê hatine sirgunkirin û di rojhilatanavîn û afrîqyayê de belav bûne, nemaze di Misrê, Lîbiya, Suriya û Libnanê de, hingê para bavê Rewþen, Salihê Bedirxan li Þamê, taxa Salihiyê ketiye, hingê ji vê taxê re dihat gotin ( Salihiyet Elekrad ).
Li Þamê, Rewþen dest bi xwendinê kiriye di dibistana Tereqî de, di pey re sê salan di mamostexanê de xwendiye, ta ku di sala 1925 an de bûye mamosta zimanê erebî di qunaxa seretayî de li Þamê. Pey re du salan zimanê tirkî û sê salan zimanê fransî û ingilîzî xwendiye û wiha fêrî van zimanan jî bûye.. û bûye mamosa zimanan li Urdûnê, bajarê Kerek, hingê Urdûn û Suriye yek bûn.Sê salan li Urdûnê maye, di sala 1928 an de zîviriye Þamê û li Þamê mamostetiya xwe berdewam kiriye ta sala 1935 an, jê pêve bûye berpirsyara dibistanê ( Mudîre ), ta sala 1964 an, hingê ew vegerandine karê wê yê berê mamostetiyê. Ew jî di wan salan de ji kar aciz dibe û temenê wê jî mezin dibe, vêca teqawîta xwe distîne û li mala xwe rûdinê.
Di vê navberê de du caran di zewice; Cara pêþîn di sala 1929 an de bû, bi xortekî ereb re ji suriyê navê wî Omer Malik, lê pêre dûmnekir, di sala 1931 ê de hev u din berdan, bi tenê keçek bi navê Ûseyma ji vê zewacê maye, Rewþen ev keça xwe bi xwedîkirin daye ta ku ew zewicandiye bi Zihêrê Alî axa Zilfo û niha li Qahîre dimîne, sê keçen wê hene; Þêrîn, Nesrîn û Rewþen.
Cara dudiwan di sala 1935 an de di zewice, bi kurmamê diya xwe mîr Celadet Bedirxan re. Bi vê zewacê kefxweþ û þad dibe. Di sala 1929 an de nû mîr Celadet ji ewrûpa, Misir û Libnanê tê Þamê û çav bi Rewþen dikeveû hev nas dikin. Piþtî beravêtina þoreþa Agrî û weþandina kovara Hawarê, mir Celadet û Rewþen xanim , ra û devdîrên xwe dikin yek û bi hev re dizewicin.
Ji vê zewacê du zarok ji wan re çêdibin; keçek bi navê Sînem xan di sala 1938 an de, di sala 1957 an de bekeloriya standiye û di zankoya Þamê de xwendina xwe di avokatiyê de xwendiye, di sala 1961 ê de bi endezyar, nivîskar û wergêr Selah Sadella re zewicîye- mamoste Salah ji xelkê Zaxo ye- du zarok ji wan re çêbûne, Azad û Dilnaz. Ji dor salekê ve mala xwe ji Bexdê biriye Hewlêrê. Lê kurek bi navê Cemþîd e di sala 1939 an de çêbûye, di dawiya sala 1939 an de çêbûye, di sala 1958 an de bekeloriya li Þamê standiye, diya wî, ew di deynê salê de, li ser kîsê xwe rê kiriye Almaniya da ku bibe bijîjk, wek ku bavê wî mîr Celadet dixwest.. Li wir xwendina xwe bi dawî anî û jinek Almanî ji xwe re anî, ji wê jinê kurek û keçek jêre çêbûn, kur navê wî Kurdo ye, niha dokrore li Almaniya dimîne û keç navê wê Evîne, ji berî salekê ve Evîn bi neviyê Cegerxwîn re zewiciye û herdû li Almaniya dimînin. Dr. Cemþîd, di 10 meha dêsember de li Barazîl çûye ber dilovaniya Xwedê.
Berdewamiya jiyana mîr Celadet û emîre Rewþen di di gelek qunaxên dijwar re derbas bûye, gelek rojên bi cefa dîtine; xaniyê wan bi kirê bû û ta roja ku emîre Rewþen koça dawîn kir di xaniyê bikirê de bû.
Li ser rewþa wî a çetîn û xaniyê bikirê wiha ji min re got; Kurê min binivîsîne : Haza min fezil elekrad, Ango; eve qenciya ku kurdan bi min kiriye…Tiþtê ku ji kovara Hawrê û Ronahiyê dihat destê wan, jiyana xwe pê derbas dikirin. Tevî ku dewletên mîna Fransa, Iran, Urdûn û Tirkiyê dixwestin alîkariyê bi mîr bikin lê mîr alîkariya wan qebûl nedikir. Tenê razî bû bi wî tiþtê ku ji kovarên wî têne dest di gel mehiya kebaniya xwe Rewþen. Bi van herdû jêderên diravî jiyana xwe derbas dikirin, tevî ku xaniyê wan ne li gor wan bû, lê ew pê razî bûn.
Bi bûyera ku mîrê mezin, rojnamevanê jêhatî Celadet Bedirxan pê çû ber dilovaniya Xwedê, di bîra qederê de roja 15. 07. 1951êr, Emîre Rewþen Bedirxan ma dil biêþ û xemgîn, rewþa wê a aburî jî, êdî nema pêre alîkar bû û kesî ji kurdan lê ne pirsî, ne jî alîkarî pêre kirin..vêca ji neçarî di sala 1972 an de mala xwe ji Þamê barkir bajarê Banyasê, ser kevya deriya sipî, li wir xanîk ji xwe re kirê kir û têde ma ta roja dawîn ji temenê xwe. Bi tenê pîrejinek Çerkez, bi navê Sebahet(Xwîþka jina helbestvanê kurd Qedrê Can bû), pêre dijiya û alîkariya wê dikir..
Xebatên Rewþen Bedirxan di warê rewþenbîrî de : Rewþen xanim, di navbera sala 1925 – 1926 an de, ji bo doza erebî dijî fransîzan bi nivîsên sekiniye, û bi taybetî di rojnameyên Felestîniyan û kovara Munîrva a Libnanî de.
Di navbera salîn 1926 – 1973 an de,gotar ji kovara Alhuriye re dinivîsandin, ewa ku xwediyê wê Yûsif Melek bû. Di navbera salên1958 – 1959 an de, çîrokên zarokan di radiyo ya sûriyê de belav dikirin.
Di sala 1957 an de, di ber gelê xwe de çûye Yûnan, di kongerê Antî Kolonyalîzimê de bi tena xwe amade bûye, û her çaç kursiyên ku navê Kurdistanê li ser wan hatibû nivîsandin, bi heybet û sawa xwe dagirtin. Tevî ku gelek kes li dij wê sekinîn û rêtengî jêer çêkirin mîna Mîþêl Aflaq, lê wê guh li wan nekir û navê gelê xwe bilind kir, bi tenê sefîrê sûriyê Yorkî Hekîm li piþt sekiniye, wek ku wê ji min re got…
Rewþen xanim bi zimanê kurdî, erebî û tirkî dinivîsand û di karîbû bi zimanê fransî û ingilîzî bi peyve wek yekî fransî û ingilîzî..
Di sala 1971 ê de, çû kurdistana iraqê, serdana Melle mustefa Barzanî û li Hacî Amran û bi jinên kurdistaniyan re Hevgirtina Afretên kurd damezirand…
Wergerandina Pirtûkan
1 – Bîranînên jinekê : Ev pirtûk ji zimanê tirkî wergerandiye bo zimanê erebî û di sala 1951 de li Þamê çap kiriye.
2 – Bîranînên keçek mamoste : Ev pirtûk jî, ji ji zimanê tirkî wergerandiye bo zimanê erebî û li Þamê çap kiriye.
3 – Evîna min û Jana min : Ev pirtûk jî, ji zimanê tirkî wergerandiye bo zimanê erebî û li Þamê çap kiriye.
4 – Çend rûpel ji wejeya kurdî : Ev pirtûk di sala 1954 an de çap kiriye wek wefadarî ji bîranîna mîr Celadet Bedirxan re.
5 – Nameyek ji Mistefa kemal Paþa re : Ji tirkî wergerandiye erebî û di sala 1990 li Þamê bi alikariya D. Zengî çaop bûye.
6 – Doza Kurdî : ji zimanê tirkî wergerandiye bo zimanê erebî û di sala 1990 de, D. Zengî li Þamê çap kiriye.
7 – Giramêra Zimanê Kurdî : A mîr Celadet û Roger Lescot e, ji fransî hatiye wergerandin bo zimanê erebî û di sala 1990 de, Dilawer Zengî li Þamê çapkiriye.
Her wekî diyare ku Bedirxanî di dîroka tevgera gelê kurd de, xwedî cihekî bilind û bihane, çi di warê xebat û bizava netewî de be û çi di warê wêje û rewþenbîriya kurdî a giþtî de be.
Rewþen xanim, xwe didît wek diya kurdan. Hejaye kurd jî jêre bibêjin Dayê. Dayê Rewþen xwedî hestekî kurdeyatiyê bû, pir dilovan û dilsoz bû, dêmê wê di rengê dêmên ewropiya de bû, nerîna çavên wê kûr û tûj bûn, dema ku mirov cara yekemîn pêre rûdinþt hestekî bi tirs diket nava cegerê wî de, mezinahî û serboriyek kûr û dûr di tîpên wê de xuya dikir, mirov dixwest her dem pêre rûne û lê guhdarîbike, nemaze dema ku serpêhatiyên jiyana xwe û mîr Celadet Bedirxan digot û dibiland.
Konê Reþ
Rojavayê Kurdistan
Bajarê, Qamiþlo 18. 06. 2007
Dema Weþandinê : 28. 06. 2007
http://www.xoybun.com/extra/slide/Unbenannt-2.swf
http://www.pdk-xoybun.com/nuceimages/Newroz_Kurdistan_PDK_Xoybun_x1.jpg
http://www.pdk-xoybun.com/nuceimages/Nexise_Kurdistane_PDK_b.jpg
|
Ev malper, herî bash, bi Avant Browser, tê xuyakirin...
Download !!! 
