PDK-XOYBUN; wiha, di xizmeta, Kurd û Kurdistanê daye : Pirojeya Kurdistana Mezin, Pirojeyên Aborî û Avakirin, Pirojeyên Cand û Huner, Lêkolîna Dîroka Kurdistanê, Perwerdeya Zimanê Kurdî, Perwerdeya Zanîn û Sîyasî, Weşana Malper û TV yên Kurdistane.

M. Şerif MÜŞTAK

DEWLETA TIRK JI TiRKUMANA Û KERKUKÊ MA BÊ HÊVÎ !

Xwe hilavêtina dewleta Tirk a şowen û dagirker bawerî neda Tirkumana. Tirkuman ji bo hilbijartinên li Başûrê Kurdistanê û Iraqê, heroj bi qûfla tên xwe tavêjin gelê Kurd, xwe têxin di bin bazkên Kurd û kurdistanê de. Bawerîya xwe bi gelê Kurd tînin û ji tirkîye paş di kevin. Terorîstên bi navê islamî û netewa Ereb derketine holê baweriya gelê ereb li wa nemaye, ji wan tejî bûne, pêwiste ew jî bêne hişyar kirin, di tarîyê de mane, ji bo wa ronahî gelê Kurde.

Heftîk ma ji bo hilbijartinên Kurdistana federel û Iraq. Rojev hilbijartine, bila hemu Kurd kar û barên xwe baş bi zanibin. Kî bi pênûsa xwe, bi şexsîya xwe û heger ko yek li kurdistanê bê, bi la bi kolan û mala bi kevin, ji bo kurd beşdarî hilbijartina bibin arîkar bin. Xwe bighênin hemu insanên kêmnetewa, wa li xwe bi pêçin û dengê wa bistênin. Tirkuman ne li gel dewleta Tirkin. Tirk fêr bûne tiştên piçûk mezin dikin, şeng û şepala xwe mezin nîşan didin. Şowenin, kultura wa inkar kirine. Dewleta wa di kevê ber hilweşandinê ko kesê wa nasnakin di bêjin qey xwûrtê dinya yê ewin. Em virên wa jî işkere bikin û giranîya xwe berdin ser hilbijatina. Bila kes nebêjê ez li derveyî welatim ti ji mi nayê, ev ne rastê. Xwe bighênini cîranê xweyê kurd, ereb, asurî, kildanî û tirkuman wa rehnî bikin. Bi telefona, name, internet û tevayê rêyen bersiv û agahdarîyê bi kar bînin û bi din pêk anîn. Kesên li Kurdistana başûr û Iraq, roja hilbijartinê pêşîvanîya ser sindoqên denga bikin. Kesên ku hun bi zanibin wê dengê xwe ji bo feyda gelê Kurd bi kar bînê wa bi kişînin ser sindoqên denga. Herkesê ko xwe welatparêz û berpirsîyar dibînê bila şev û rojên xwe bikin yek. Wextê dîroka kurdistan-Kerkuk û polîtîqa dagirkera rexnekirin, lêkolîn kirin zehfe. Li hilbijartina vegerin û bila herkes bi fikirê ka çawa dikarê dengekî li dengê gelê kurd zêde bikê. Her dengek fetihkirina cebhekêye,dest xistina peymaneke dîplomasîye. Em dev ji edebîyatê berdin li hilbijartinên Kurdistana azad vegerin.

Rojên kevin tên bîra kêmnetewên li Kurdistana Başûr dijîn. Di zanin dewleta Tirk ji boyî wa bi Iraq û Sedamê dîktatör re ti problem çênekirine û li ba xwe nedîtine. Ew Îro bi saya berxwedana gelê Kurd û Kurdistan azad dijîn. Pêwiste ku Tirkman dengê xwe bidin lîsta Kurd Kurda li Kurdistana Başur mafên demokratîk û insanî daye tevayê kêmnetewan, herkes xwe azad dibînê, Tirkuman bi qefla xwe tavêjin nav çeng û perên gelê Kurd. Bi deng danê jî li gel gelê Kurdin. Dengdana Kerkuk a gelê Kurde û wê bi bê azadîya hemu kêmnetewan.

Azadîya kêmnetewên li Kerkuk bi Kurd û Kurdistana Başur ve girêdayî ye. Tirka ticara arîkarîya Tirkumana nekirine. Ew bi xwe birçîne û heroj li ber deryê xelkê di gerin, bi perê faîzê û karê mafya yê dewletê di meşênin.

Dijminahîya tevayê cîranên xwe dikin, tevayê gelan di bin xwe re dibînin, gelên weke Ermenî Asurî û Kildanî qelandin. Dîrokê salaye li qirkirina gelê Kurd di xebitin. Zilmin, zalimin û dagirkerin. 31 sale qibris vegirtine, kûrê serokê Tirkên qibrisê çû peseporta Rom wergirt. Mezin taxivin piçûk dibin, bilind di firin nivz di kevin û fedî nakin. Her wextê dilopên xwînê ji devê wa di kevin. Tecawizî heyîna neteweyên cîran, sîyaseta cîhanê û tîra tavêjin ezmana.

Çi problemên Tirkumanên Kurdistanê bi hêvîya Tirkîye ve hene, ma notirvanên Iraqin ?

Türküman baş dizanin, ku ne zanibin jî, divê bi zanibin ku dewleta Tirk, di xwazê wa ber qûrbanî xwe, dewleta xweya dest bi xwîn û dev bi xwîn bikê. Tirk ne aşiqê çavên kesêne.

Rejîma Bees a Sedamê dîktator ku li serê gelê Kurd û kêm netew Aşûrî, Keldanî û Tirkumana kir, li serê gurê çol û çîya nekir. Tirkumana di vê wextê de ji ber zilma Sedam ne di karîn bêjin o xweş bi vê seetê, an bi vê rojê. Gelek kes di hepisxane û îşkencexana de kûştin, seqet kirin, bi dîrokên sala hiştin di heps û zêndana de. Gelek jê bi sêpîyan ve daleqandin, gelek dane ber gûla kûştin, malên wa şewitandin, talan kirin û penabir ketin.

Karê Tirka ji bo tevgera gelê Kurd û Kurdistan bi ser nekevê. Dewleta Tirk ji bo Tirkumana, ji Iraq û Sedamê dîqtator re, rojekê gotineke ku mêş pê bi êşê ne di gotin. Zilma Sedam li ser Kurd û kêm netewên li Kurdistanê dikir, ji bo tirkîye bazirganî û payeke baş bilind bû.

Bi xwîna deh hezaran Pêşmerge, dest ketîyên gelê Kurd, Tirkuman asurî û Kildanî li jîyanê hişyar kirin. Van kêm netewa di pratîka tevgera Kurd û Kurdistan de demokrasî, mafên xweyê demokratîk û insanî bi tevayî, ji destê gelê Kurd weke dîyarî, perû û xelat wergirtin. Di bînin ku Kurd, ji tevayê gelên rojhilata navîn demokratirin. Ji demoqratîk bûnê, demokrasîyê û azadîya bêhtir hes dikin, modernin. Tirkuman ne dînin ku xwe bikin kevrê qûnê, pêleyîstok û berxwerê Tirkîyê.

Ji sala 1970-5 û ji sala1991-2005 a kêm neteweyên ku li Kurdistana Başur dijîn, bi saya tevgera agelê Kurd û Kurdistana Başûr 2 cara bayê azadîyê li wadaye û temijandine;

1 - Wexta serokê nemir Mustafa BERZANÎ sala 1970 û bi destxistina Otonomî
2 - Îrojî Kurdistana Başûr a Federel.

Tirkuman mafên ku gihayîn wa, nadin bi şöwenîzm û inkara dewleta Tirk. Bêhtirên Tirkumana di zanin kû Tirkîye ne demoqrate û ti mafa jî nasnakê. Tirkumanê ku ji ber zilma Sedam bazdayîn, bi penabirî hatine Tirkîye ji nêza û birça dimrin. Gelek jê ji birçî bûn mecburî dizî û parsê bûne. Hinek ji wa, ji birça bûne qontra û ji dewleta Tirk re Kurda di kûjin. Dewleta Tirk di qemerîyê qûl nadê bi pîlaxên wa, ji xeyrî wa bikê qatil û bikê Kurd kûj.

Daxwaza dewleta Tirk a ji bo Kerkuk, 2 egerên giring hene;

1 - Xeyala ku careke dî bibê xwedîyê axa Ereba. E v jî jêre di bêjin „Heyhat“
2 - Gelê Kurd bi mînê lawaz û her bin dest bê. Lê rêya azadî û serxwe bûnê roj bi roj vedibê

Dewleta Tirk di zanê kelha zilmê wê bi destê gelê Kurd bê hilweşandin. Ji ber ku Kurd aştî xwazin, demoqratin, li gel mafên demokratîk û însanîne. Tirk û dewleta xwe çar bi çar li dijî vê jîyanê ne. Lewma li kîjan perçên kurdistanê ku Kurd ling didin berxwe, Tirk êrîş dikin.

Tirkîye di xwazê şer ji Iraq xilasnebê, tevlîhev kirin li hesabê wêye, tilya wa di şerde ye. Tevayê çapemenîya wa arîkarîya terora li Iraq dikê. Fihêtnakin di bêjin „Em li dijî terorêne“

Li dijî hemu destketîyên neteweyî ê gelê Kurd derdikevê, dikê û nakê, nikarê li Kurdistana Başûr tevlî hevîya çêkê, bê çare maye. Ji bê çaretî heroj xetên sor nîşan didê û Kurda tehdîd dikê. Hêrs bûna Tirka nîşan didê ko bêhtirên Tirkumena gûh nadin leq, leq û şeq, şeqa wa. Hingî xetên sor nîşandan û hatin heşifandin, bawerîya Tirkumana jî li wan nemaye. Libên ji Tirkmena hevaltîya Dewleta Tirko dikin, gelek ji wa kontra dewleta tirkin, hayê wa ji kûştina Kurda û leşkerên Emerîqan heye. Ev jî bê şike. Ne vale bû ku telîs ketin serê leşkerê Tirk.

Alîgirên Partîya Nîjadperest a Tirkman hindikin. Piştgirên dewleta Tirkîye ewin, ew bi xwe behtirên wa kontrane, mafyane û bi navika xwe girêdayî ne bi dewleta ko tarî a Tirkîye ve.

Tirk di bêjin „Kes nikarê bi rêyên ne fermî mudaxeleyî axa hin dî bikin“ Lê ew bi xwe heroj sînorên Kurdistanê di bin lepên xweyê qirêj de di eçiqînin, guh nadin peymanên navneteweyî.

Gotina serhatî di bêjê „ Ku ecelê bizinê tê diçê nanê şivanê xwe di xwê, an di bezê ser gidîşa dexla xelkê“ Vêca ez hêvîdarim ku Dewleta Tirk dev ji xwarina nanê şivanê xwe û bezîna ser gidîşên dexla xelkê berdewam bikê.

Georg Bush dûhî roja pêncşemê 20.01.2005 dêlindêzîya wî a sund xwarina serok dewletîyê bû Di axiftina xwede vekirî got „Bila hemu kesên di bin darê zorê de dijîn û bê hêvîne bila bi zanin: Emerîqan ne çavê xwe li zilma li wan têt kirin digirê û ne zaliman efû dikê. Çaxê hun ji bo rizgarîya xwe tê koşîn bikin, emê li ba hewe bin.

Gelê Kurd dîrokê sala ye ji bo azadî û serxwe bûna xwe li ber xwe di dê. Bi sedhezara şehîd daye. Bi milyarên dolara xesar zîyan bûye. Bi deh hezar gertin, birîndarî çêbûye. Gûnd, bajarok, bajar, dexil, daristan û tevayê Kurdistanê agir dîye û hatîye şewtandin. Berxwedan berdewame. Em gelê Kurd di bin zor û zilmê dene. Zilma li ser gelê Kurd heroj bilindtir dibê.

Me axa ti gelan ne girtîye bin destê xwe, me kes ji ser axa wa bi darê zorê ne kirîye penabir. Em gelê Kurd li ser axa bav û kalên xwene. Li ser axa xwe di bin zorê dene û bi zorê têne penabir kirin. Ez hêvîdarim ku gotina Georg Bush bi bê tarîx ji bo azadî û serxwebûna gelê Kurd û Kurdistan.

Bremen Şemî, 22. 01. 2005

M. Şerif MÜŞTAK
Serif.muestak@gmx.de