PDK-XOYBUN; wiha, di xizmeta, Kurd û Kurdistanê daye : Pirojeya Kurdistana Mezin, Pirojeyên Aborî û Avakirin, Pirojeyên Cand û Huner, Lêkolîna Dîroka Kurdistanê, Perwerdeya Zimanê Kurdî, Perwerdeya Zanîn û Sîyasî, Weşana Malper û TV yên Kurdistane.

Gelek kole bi kuştina kurda bilind bûne
Bremen - Almanya, 16. 07. 2005 — Ti cidabûn di nav bera qatilên Hikmet Fîdan, Dr. Abdul Rahman Ghassemlou, Dr. Şeref kendî…û hemû şehîdên şoreşê de nîn. Ko armanc çibê bila bê, kesên gûla berdin şoreşger û welatparêzên Kurd, wan ji nav tevgera Kurdistanî, Kurdewar û demoqrat bi gûla ji halê radikin, bêhna xwûnê bêxin nav tevgera Kurd, ew di xizmeta dijmin dene. Mafê kesî nîn tevgera Kurdistanî, Kurdewar û demoqrat birîndar bikê. Welatparêzên tên kûştin bi tevayî hemû zerer zîyana tevgera gelê Kurd û Kurdistan e. Ti mihane nîn

Hikmet Fîdan = Dr. Abdul Rahman Ghassemlou = Şêx Seîd =…= Kurên Kurd û Kurdistan`in. Gelê Kurd xwe baş naskirîye, bila êdî ti kes bi kurdkûjîyê çavên xwe nedê terfîbûna bilind. Li hev gewilandin baş hatîye fêhmkirin, bi gewilandinê kes nikarê êdî Kurda li xwe bi pêçê. Bi ax danserê pijaqên rojê nayên fetisandin. Pijaqên rojê ketine di nîvê çavê gelê Kurd û Kurdistan de. Gel di nîqaşê deye, heroj rehnîtir dibê, tikes nikarê rêya serxwebûn û azadîyê li gelê Kurd û Kurdistanê bigrê.

Di rêberî, di bin rêberîya dewletên dagirker de, kesên di nav karên dewletê de bilind bûwîn, bêhtirên wan zerer zîyan dane kurda, di karên xweyên qirêj de terfî bûne û hatine bilindkirin. Bilind kirina wan kesa ji alîyê sîstema nîjadperest, dagirker ve weke serketinekê hatîye naskirin. Ji bo ti hêzen sîyasî êdî Kurd kûjî di Kurdistanê de na bê perçek ji planên kar û xebatê.Xebata bi vî şêweyî xebata dagirkera ye. Ez hêvîdarim ko şaşî çiçê bibin jî, dîsa li xwe vegerandin çêbê û kes nebê qopya kar barên dagirkeran.

Li kurdistanê kî bibê Walî, Qeymeqam,.. û leşkerî kar kiribê, di tevgera dewletê de ew bêhtir bi ihtibar û berketîyê dewletê tên naskirin. Nasnameya karên wayên qirêj, ji bo terfî bûnê radeya bê nîqaş e.

Di pratîka dewletên dagirkerên Kurdistanê Surî, Îran, iraq û Tirkîye de evbûyer eşkere û elanî ye. Kî li Kurdistanê di berpirsîyarîya xweya karê dewletê de, gelektir zilm, zor, qetil kiribin, Kurd êşandibin, bi asîmîlasyonê fermana gelê Kurd rakiribê, pêşveçûna sîyasî, kultûrî, civakî û aborî, li paş xistibê, ew di berpirsîyarîya karê xweyê dewletê de serketîye. Nasnameya karên wa şehnazîye û sadiqê dewletê ye.

Nirixandina bûyerê dirêj e, lê bi kûrtayî li herçar perçên Kurdistanê êrîşên dagirkeran di şibihin hev. Erîşên bi dizî û elanî di şibin qopya hev bin. Di wexta ko Sedam ê dîktator li ser hikim û piştî wî jî, êrîşên ji alîyên dagirkeran ve li dij Kurda tên bi kar anîn, gûherandin têde nîn.

Çendî îro li başûrê Kurdistanê, Kurd di herêma xwe de bi serketîne jî, lê ez dîsa Kurdistana Iraq bi rewşa niha rizgar nabînim. Gava bi rêya fermî astengî xilasbûn û pêde miho di karê bi bêjê başûr ji dagirkerîyê xilas bûwe. Li Iraq insanên Kurd di hatin revandin, eşkere qetil dikirin, gûnd di şewitandin, sîyasîyên penabir dihatin şopandin û qetilkirin. Herkes ji bo sîstema dîktator dihat kolekirin. Bi yek devî „Zêre zêre, Sedam zêre“ dihat gotin û Sedamê dîktator di hat meşrûkirin. Meşrûkirina Sedam divîya ji alîyê herkesîve mueyen ba.

Dewleta Roma reş JÎ bi dîrokên salaye li dijî gelê Kurd ti qanûnên xwe û ê navneteweyî nasnakê. Ji bo pêşîya tevger û pêşveçûna gelê Kurd qût bikê, çi pêwist e dikê. Dewlet bûwe mafya, qontra, talanker û mûxlacî. Bi hezaran Kûrê Kurda revandine û qetilkirine. Divê meşrukirina rejimê û Atatürk jî mûeyen bê.

Ji bo karên hovane, karibin bikin û bi karbînin, Tansu Çîler Mehmet Agar ji fermandarîya Polêsan kire wezîrê edaleta Roma Reş. Bi hezaran welatparêz, şoreşger, sîyasî û bazirganên Kurd revandin qetilkirin. Mehmet Agar îro serokê DYP ye. Dewlet û çapemenîya dewletê di xwazê wî bikê serokwezîr. Generalên 12 ê îlonê hêjî ne derketine pêş dadgehan.

Dûhî bû dewleta Surîye Şêx Mihemed Me`şûq Xeznewî revand û qetil kir, di xwe pêşedana Qamîşlokê de gelek Kurd kûştin. Serok wezîrê Lubnan ê kevin û serokê partîya qomonîst bi karê terorîstî qetil kir.

Dewleta Îran bi navê misilmanetîyê fetwa û tebîran li ser Kurda digrê û wan qetil dikê. Kûştina Dr Abdorahman Qasemlo, Dr. Şeref kendî û hevalên wa, ji gelek bûyeran mînake ke. Weke bûyerên Tirkîye, kî bêhtir Kurd kûj bê, di dewletê de ew ji bo bilindkirinê tê nasandin û dest nîşankirin.

Mehmud Ehmedinecad bi biryara dewleta islamî bû şopandinkarê berpirsîyarên Kurda û berpirsîyarên Kurda dane kûştin. Îro jî bi destegirtina dewleta islamî Mehmûd Ehmedînecad bû Serok Komarê dewleta Islamî a Îranê. Gelê Îranê ji îro û pêde gav bi gav ber bi şûnde û ber bi tarîyê ve berê wî hat gûherandin.

Gelek kesên ko kole ne, destên wan ketîn nav xwûna kûrên Kurda de hatine nasandin û bilindkirin. Kesên ko ji rejîma bi bixar re, karên bi, bixar bikin, ew sadiqê dewletê, tên nasandin û bin nîrkirin.

Biremen Almanya , 16. 07. 2005

M. Şerîf MÜŞTAK
Serif.muestak@gmx.de