Bi xêr hatin ser PDK-XOYBUN; wiha, di xizmeta, Kurd û Kurdistanê daye : Pirojeya Kurdistana Mezin, Pirojeyên Aborî û Avakirin, Pirojeyên Cand û Huner, Lêkolîna Dîroka Kurdistanê, Perwerdeya Zimanê Kurdî, Perwerdeya Zanîn û Sîyasî, Weþana Malper û TV yên Kurdistane.
         
                Kurdish   |   Turkish   |   Engilsh  |   German

Menu
  • Rûpela Serî
  • Nivîskarên Xoybunê
  • Nivîskarên Mêvan
  • Dîrok û Kurd
  • Nexiþê Kurdistanê
  • Belavok Lêgerîn
  • Cand û Huner
  • Helbestên Gel
  • Forum
  • Ankêt
  • Nuce
  • Album
  • Slayd Show
  • Muzîka Kurdî - 1
  • Muzîka Kurdî - 2
  • Kovara Xebat Vejîn
  • Kovara Xoybun
  • Pelgeyên bi Kurdî
  • Perwerdeya Siyasî
  • Malperên Kurdan
  • Li ser me
  • Arsiva Nûceyan
  • Nivîs & Nûçe Biþîne
  • Game-Cilîp- Listik
  • Game - 36KurdishTV

  • Nivîskar

    Ali Cahit Kirac

    Belavok
  • Belavokên Me
  • PDK- ARSIV
  • Belavokên We
  • Arþiva Xoybunê
  • Arþiva Niviskaran
  • Niviskarên Derkirî

  • Helbest
  • Ehmedê Xanî
  • E. Xanî - Memozîn
  • Mela Ahmedê Cizîrî
  • Dîwana Melayê Cizîrî
  • Feqîyê Teyra
  • Celadet Elî Bedirxan
  • Cîgerxwîn
  • Ciwanê Abdal
  • Osman Sebrî
  • Alî Cahît Kiraç
  • Feqîr Ehmed
  • Ahîn Zozanî
  • Abdullah Karabag
  • Alî Kolo
  • Armanc Nerwey
  • Aydin Coþun
  • Aydin Orak
  • Agir Abad
  • Bihrî Bênij
  • Dildar Îsmail
  • Ezîz Xemcivîn
  • Fethî Gezneyî
  • Felemez Akad
  • Hemreþ Reþo
  • Hîwa Qasim
  • Hindirîn Gullî
  • Hekîm Xêlexî
  • Hejarê Kurd
  • Hekîm Xêlexî
  • Husên M. Hebeþ
  • Amade Dive !!!!
  • Leyla Þemmo
  • Kiyaksar Temir
  • Konê Reþ
  • Kovan Sindî
  • Kalê Kurdîsî
  • Mehmed Çobanoxlu
  • Mehdî Mutlu
  • M.Kewê Dilxêrî
  • Mihemed Salih Alî
  • Tê Amadekirin !!!!
  • Navser Botanî
  • Nîhad Temir
  • Royarê Tirbesipîyê
  • Seydayê Dilmeqes
  • Sebrî Botanî
  • Sediq Sindavî
  • Seyid Feysel Mojtevî
  • Þivan Perwer
  • Þengal Osman
  • Seyda yê Arî
  • Îsmet Dax
  • Î. Xelîl Þêxmusoglu
  • FeyzulleKhaznawi
  • Xizan Þîlan
  • Y. Sebri Qamiþlokî
  • Helbestên We
  • Helbest û Stranê We
  • Helbest û Stranê Gel
  • Helbestê Bêperde-1
  • Helbestê Bêperde-2
  • Helbestê Bêperde-3
  • Helbestê Bêperde-4

  • Dîroka Kurdistanê
  • Dîroka Kurd
  • Kronolijî
  • Imp. Med
  • 200 Salê dawî
  • Mervaniyan
  • Cum. Mahabad
  • Serhildanên Kurdan
  • Serokên Kurdan
  • Kerkuk Kurdistane
  • Nasîna Kurdistanê

  • Cand, Huner
  • Pêkenî 1
  • Pêkenî 2
  • Cîrok
  • Bûyerên Dîrokî
  • Gotinên bapîra
  • Tistonek
  • Dîlok
  • Durik
  • Henek
  • Kilîp û Vîdeoyê Kurdî
  • Pirs, Bersîv û Pêken
  • Çand huner û tiþt
  • Xwarinên Kurda
  • Sitran, Def û Zurne
  • Lîztik, Spielen, Game
  • Listikên Zarokan
  • Kincên Kurda
  • Edebîyata Kurdî
  • Zimanê Me
  • Perwerda Ziman
  • Perwerda Civana
  • Perwerda Zarok
  • Zarok
  • Qutîya Muzîkê-3

  • Nivîsên Siyasî
  • Kurdistana Serbixwa
  • Rêzname & Program
  • Projeyan

  • Rojane
  • Serxwesi
  • Biranin
  • Pirozbahi
  • Daxuyani
  • Sirove
  • Lekolin
  • Roj buyîn pîroz be
  • Roportaj
  • Agahdarî
  • Bang - Pêþwazî
  • Daxwaz
  • Xebatên me
  • Wesiyetname
  • Þermezar
  • Þahî û Þabun
  • Þirîgatî - Yekitî
  • Name ( Mektup )
  • Dîtin û Ramanê we
  • Civîn û Semîner
  • Ji Raya Giþtî Re
  • Xonçe, Xwençe

  • Jina Kurd
  • Tekoþina Siyasi
  • Tehdeyîyen Siyasi
  • Tehdeyîyen Civaki
  • Daxwazen We
  • Perwerde
  • Tenduristi

  • OL
  • Ola Êzîdî - Agahdarî
  • Ola Êzîdî - Nasîn
  • Ola Êzîdî - Wêne
  • Ola Zerdeþtî
  • Ola Cihû - Nivîs
  • Ola Cihû - Wêne
  • Îsa Mesîh - Jesus
  • Bibel & Jesus - Film
  • Ola Îslamî - Nivîs
  • Ola Îslam-Mewlud

  • Survey
    Hun dixwazin di vê malperêde zêdetir ci bibînin?

    Sîyaset
    Nûçe, Radyo, TV
    Dîroka Kudistan
    Cand & Huner
    Muzîka Kurdî
    Wêne ( Foto )
    Nivîskarên Kurd
    Zimanê Kurdî
    Pirtûk û Kovar
    Helbestên Kurdî
    Dibistana Kurdî
    Ansîklopedî



    Encama Pirsînê
    Pirsînên me

    Dengdan: 43299
    Nirxandin: 0

    PDK - Slide Show
  • Barzani Slide Show
  • PDK Slide Show 1
  • PDK Slide Show 2
  • PDK Slide Show 3
  • PDK Slide Show 4
  • PDK Slide Show 5
  • PDK Slide Show 6
  • PDK Slide Show 7
  • PDK Slide Show 8
  • PDK Slide Show 9
  • PDK Slide Show 10
  • PDK Slide Show 11

  • Di dirokede iro
    Rojek wek îro...

    Slide Show – Xoybun

    Muzîka Kurdî – 1

  • Muzîka Kurdî - 1

  • Muzîka Kurdî – 2
  • Muzîka Kurdî - 2

  • Photo Gallery–Xoybun

    Foto & Animasyon
  • Nîþana Azadîyê
  • Tekoþîngerên Kurda
  • Wene ( Foto ) - 1
  • Wene ( Foto ) - 2
  • Flaman û Logo
  • Anîmasyon
  • Lîztik-Spielen-Game

  • Projeyên Kurd
  • Projeyên Kurd

  • Lêgerin / Link
  • Malperên Lêgerinê

  • TV'yên Kurdistan ê.
  • Kurdistan TV - Zindî-1
  • Kurdistan TV - Zindî-2
  • Zagros TV - Zindî
  • Kurdistan TV
  • Kurdsat - Zindî - 1
  • Kurdsat - Live
  • Roj - TV - Zindî - 1
  • Roj - TV - Zindî - html
  • Roj - TV - Zindî - swf
  • MMC - TV
  • XOYBUN - TV
  • Þîn Þahî - TV
  • Êzidî - TV / Zindî
  • Malpera Êzidî-TV/Zindî
  • Rojava - TV
  • KNN - TV
  • Rojhelat- TV
  • Zagros - TV
  • Komala - TV
  • Kurd-1 TV - Zindî
  • Tishk - TV
  • Vîn - TV
  • Newroz - TV
  • Zaza TV-Flash-Player
  • Zaza-TV-Media-Player
  • Zaza TV

  • Paltalk Download
  • Paltalk Download

  • Reklam
  • Hunermendên Kurd
  • Karmendên Kurd
  • Kirîna Tiþtan
  • Firotina Tiþtan

  • Radio Xoybun
    Radio Xoybun - Dengê Vejîn ê, Amade Dibe !

    Ansîklopedîya Xoybun
    Ansîklopedîya Xoybun ê A û B, Amade Dibe !

    Partî û Rêxistin


    Medya Kurd, Ereb, Tirk
    Bijî Kurd û Kurdistan
    Malperên Kurdî, Yê
  • Polîtîk-Civak-Huner.

  • _________________

    Bijî Kurd û Kurdistan
  • Medya Erebî

  • _________________

    Bijî Kurd û Kurdistan
  • Medya Tirkî


  • Qutîya Muzîkê-1
  • Qutî ya Muzîkê - 1

  • Zêrzewat ( Sewze )
    Zêrzewat ( Sewze )

    Sazîyên Dijberê Tirka
    Rêxistinên Dijberê Tirka

    Radyo Zindî ( Lîve )
    7 - Radyo yên Zindî

    Qutîya Mizîka Kurdî - 3
    Qutîya Mizîka Kurdî - 4

    Kurdî û Îngîlîzî
  • Perwerde ya Zimanê Kurdî û Îngîlîzî

  • Musa | Cihû | Jewry

     
    LÝ SER QETÝLKÝRÝNA KANÎ YÝLMAZ

    (4270 gotin)
    (4145 car hat xwendin)   Dikare binivîse ser kaxêzê spî







    LÝ SER QETÝLKÝRÝNA KANÎ YÝLMAZ

    Kurdistaniyên hêja !

    Almanya, 25. 02. 2006 — Bêyî ku ez Kanî Yilmaz û siyaseta wî biparêzim, dema min bihîst ku ew li Silêmaniyê bi awayekî ne merdane, bi awayekî terorîstan e hate qetilikirin, ez gellekî li ber ketim. Ez ne Kanî Yilmaz ( Faysal Dunlayici ) nasdikim û ne jî ti demê têkiliya min bi wî re bûye. Min tenê Kanî Yilmaz di jiyana xwe de yek carekî bi piþadî( tesadufî ) li Hewlêrê di Hotelê de dît.

    Sala par di meha nehan de ez wek nûnerê Navenda PENa Kurd beþdarî festivala Duhokê bûm û di pê festivalê de ez çûme Silêmaniyê û li vegerê ez þevekî li Hewlêrê mam. Di wê Hotela ku ez tê de mam, roja din ez ji wezareta rewþenbîr vegeriyam Hotelê, ku haziriya xwe bikim û berê xwe bidim Duhokê. Dema ez ketime hundirê Hotelê min dît, ku Kanî Yilmaz û gellek hevalên wî li ser masek mezin rûniþtine. Camêro gava ez dîtim, di heman demê de rabû ser piya û ez gellek bi dilgermî silav kirim. Min û wî û hevalên wî tenê çend deqan hevdu silav kir û me xatirê xwe ji hev xwest.

    Niha destê kê di vê qetliyama li dijî Kanî Yilmaz û hevalê wî de hebe bila bibe, ez bi qeneata xwe di wê baweriyê de me, ku di binê vê biryara qetliyama Kanî Yilmaz û hevalê wî de îmza serleþkeriya Tirkan û ya Abdullah Öcalan heye. Loma ez vê bûyera terorîstane bi nefret þermezar dikim, ji malbata Kanî û Sebrî, ji heval, hogir, nas û dostê herduyan re sebir û tahmûlê dixwezim.

    Ez heta niha pir caran li ser siyaset, çewtî û þaþiyên Abdullah Öcalan û partiya wî PKKê sekinîm û min gellek tiþt nivîsîn, lê ev dê cara yekem be, ku ezê li ser kesên ji PKKê vediqetin û siyasetê dikin binivîsînim. Bêguman mafê wan kesane, ku dema ji PKKê jî vediqetin siyasetê bikin, nêrînên xwe bi gelê Kurd re parvebikin û ji pirsa Kurdî re çareseriyekê bibînin. Lê ew kesên ji PKKê vediqetin, ji ber ku bi salane di nav PKKê de wisa yekalî fikirîne, wek mirîdan li hember Apo mane û jêre koletî kirine, ew çiqas bi niyeta durist bixwezin siyasetê bikin jî di dawiya dawîn de têne xitimandin, çimkî ew ne hazir û amade ne xwe ji kirinên xwe yên xerab yên berê di nava PKKê de xelas bikin. Ez dixwezim li vir ji gotara xwe ya bi navê ERIÞÊN PKKê, QAÞO KONGRA - GEL LI DIJÎ KURDISTANIYAN di 13. 07. 2005an de beþek bidim, ku min bi kurtayî li ser wan kesên ji PKKê vexetiyan û vediqetin çi gotibû:

    Hêjayî gotinê ye, ku kesên berê ji PKKê veqetiyane û yên niha vediqetin berpirsiyariya xwe jî li hemberî gelê Kurd ronî bikin. Çimkî heta ew kincên xwe yên qirêj ku di dema di nav PKKê de bûn neþon û xwe zelal nekin, dê ev pirsgirêka kuþtina mixalefetan her dem di rojeva PKKê de bimîne. Divê ew kesana berê rastiyê bêjin, ku berpirsiyariya wan di nav PKKê de çi bû? Destê wan di xwîna Kurdan de heye? Ew der mafên kuþtin û lêdana welatparêzan de çi dizanin ? Ewên qatîl in û ewên li welatparêzan dane, birîndar û seqet hîþtine mecbûr in xwe teslîmî edaletê bikin. Çimkî bila ew baþ bizanibin, ku ew nikarin xwe ji sûcdariyê xelas bikin. Heta ew van pirsana çareser nekin, berpirsiyariya xwe neynin cîh, hesab nedin, ti tiþt çareser nabe û ew nikarin xwe li dijî PKKê jî biparêzin.

    Çavkanî malpera efrîn : http://www.efrin.net/kurdi/nuce/2005/07/15-3.htm

    Belê ez van gotinên li jor, ku min berê nivîsîbûn dubare dikim, ji wan kesan re bang dikim û dibêjim, hevalno, hogirno, birano, eger hûn dixwezin bila pirsgirêka qetilkirin, kuþtin, lêdan û seqetkirina desthilatdarên PKKê li hemberî welatparêzan çareser bibe, divêt hûn kesên ji PKKê veqetiyane û vediqetin berê ji xwe dest pê bikin, berpirsiyariya xwe bînin bi cîh û rastiyê ji gelê Kurd re bibêjin û xwe teslîmî edelata Kurdan bikin, ku ev siyaseta bi gemar ji nava Kurdan derê. Na, eger hûn ne amade ne sûcên xwe yên berê qebûl bikin, hûn wisa bawer bin, hûnê hemû bêne kuþtin û ti kes jî nikare we ji þebeka cinawiran xelas bike. Ew kesên veqetiyane û vediqetin hetanî sûcên xwe qebûl nekin û ew sûcên wan kirine yek bi yek nebêjin, ev pirsgirêk çareser nabe, nabe, nabe.

    Ez dîsa dixwezim beþek ji gotinên xwe yên berê bidim. Malpera peyamnêr Ajansa Kurdistanê li Baþûr bi min re hevpeyvînek bi taybet çêkir, ev hevpeyvîn di 01.07.2005an de di malpera peyamnêr de hate weþandin.

    Min di wê hevpeyvînê de li ser pirsa mixalefeta PKKê wiha got :
    Kesên ji PKKê vediqetin, navên wan çi dibe bila bibe û hêza wan çiqas dibe bila bibe, ger ew li gorî siyaseta Rojhilata Navîn tev negerin û xwe bi çek û sîlah neparêzin, nikarin li ber xwe bidin, ser bikevin. Mixabin rewþ wisa ye. Çimkî PKK mixalefetê nas nake, ne bihîstiye û ne jî dizane, PKK mixalefetê ji xwe re wek dijmin dibîne, loma mixalefetê dikuje. Siyaseta Sadam û ya El-Esad diþopîne. Çapemenî di dest de ye û dikare beþekî ji gelê Kurd li seranserê Kurdistanê bixapîne.

    Çavkanî malpera : http://www.peyamner.com/article.php?id=14517&lang=latin

    Gotinek me Kurdan heye û dibêjin ne rast e, ku mirov li dû miriyan tiþtên ne baþ bêje, lê pirsgirêka Kanî Yilmaz ne ya kesayetî ye, þexsî ye, loma bêyî ku ez heval nas û dostên wî bi gotinan biêþînim, mecbûr im li ser hin tiþtên þaþ belkû di tevgera Kurd de dê ti demê ne mimkun be ku mirov van þaþiyan tamîr bike, bisekinim.

    Wek tê zanîn, Kanî Yilmaz di destpêka salên 1990î de li Ewropa berpirsiyarê PKKê bû. Bi taybetî di nava salên 1993an û 94an de çalakiyên li Ewropa bi awayekî organîze û ne bi destûr hatin kirin, hemû bi biryara Abdullah Öcalan û li Ewropa bi biryara Kanî Yilmaz hatin kirin. Jixwe PKKê jî di wan salan de di qada navneteweyî de mohra terorîzmê girt. PKK li Almanya hate qedexe kirin. Bêguman mirov nikare sûcên wan bûyeran hemû bide Kanî Yilmaz, çimkî beriya berpirsiyariya Kanî Yilmaz, Selîm Çürükkaya li Ewropa berpirsiyar bû û di bin emrê wî de gellek tiþtên xerab li Ewropa hatin kirin û bingeha terora bi organîze bi destê wî li Ewropa hate avêtin. Niha herçiqas Selîm Çürükkaya bi mafdar kirinên Abdullah Öcalan yên xerab li dijî welatparêzan tîne ziman, lê di vir de berpirsiyariya wî jî ne hindike û ezê li jêr hin pirsan li ser nivîsa wî jê bikim û li hêviya bersivek bi durist im. Eger ew dema ku Selîm Çürükkaya û Kanî Yilmaz li Ewropa berpirsiyar bûn û berpirsiyariyên xwe bi anîna bi cih û di heman demê de li pêþiya qetliyaman derketana, bi aqilê xwe tevbigeriyana, ne bi aqilê kesên din û ji Abdullah Öcalan re bigotana, ku ew nikarin ji bin van berpirsiyariyan derên, dê ji Abdullah Öcalan re jî ne hêsan ba, ku biryarên wisa xerab bigire û hemû otobanan, rê û dirbên Ewropiyan bigire û li Ewropa terorê bimeþîne û kînga dilê wan bixweze welatparêzan bikujin. Ew çalakiyên di wê demê de ji aliyê PKKê ve li Ewropa bi organîze hatin kirin ji dewleta Tirk re bû aþ û dewleta cinawiran hê jî ji xwe re di qada navneteweyî de bi kar tîne.

    Di pê wan çalakiyên PKKê re serokê îstixbarata Almanya di wê demê de çû Þamê û bi Abdullah Öcalan re hevdîtinek çê kir û çend roj di pê wê hevdîtina þefê îstixbarata Almanya re Abdullah Öcalan bi telefonê beþdarî kanala Alman televîzyona ZDF, bernama Ruprecht Eser ya nîvro bû, ku roja yekþemê bû û got, ku ew lêborîna xwe ji Almana dixweze û hemû sûcê çalakiyan avête ser hevalên xwe. Kesên naxwazin ji van gotinan bawer bikin, bila ji kerema xwe li arþîvan binêrin. Qurnaziya gundiyan bi Abdullah Öcalan re ye. Dema ew dikeve tengasiyê, pir bi hêsanî sûcê xwe diavêje ser hevalên xwe. Wek di kuþtina 37 leþkerên Tirk de ku ji aliyê Þemdîn Sakik ve bi emrê Apo hate kuþtin. Goya wê demê PKKê agirbest îlan kiribû. Apo paþê ew jî înkar kir, hemû sûc avête ser Þemdîn Sakik. Þemdîn Sakik jî di daxwiyaniyên xwe de di zîndanê de got, ku ewî emrê Abdullah Öcalan bi cîh aniye.

    Siyaseta Abdullah Öcalan siyaseta canbaza ye. Gotinek me Kurdan heye û dibêjin “dîtim ez im, ne dîtim diz im”. Siyaseta Abdullah Öcalan jî ev e.

    Kurdistaniyên hêja !

    Wek min li jor jî got, heta kesên ji PKKê vediqetin ji xwe dest pê nekin û xetayên ku wan di nava PKKê de kirine, yek bi yek nebêjin, ne ew xwe ji kuþtina desthilatdarên PKKê xelas dikin û ne jî alternatîvek nû li Bakur dertê meydanê. Ger wiha bimîne, dê herdem meydan ji PKKê re bimîne û ewê jî li ser gelê Kurd bi navê Kurdan cirîdan biavêjin û ji Kemalîzmê re bi destê Abdullah Öcalan ve xizmetê bikin. Bi salan e qasî ku ez dibînim, kî ji PKKê vediqete sûcan diavêje ser yên di nava PKKê de mayîne. Loma ev pirsgirêk wek nexweþiyek bê derman maye û PKK jî jê îstîfade digire û siyaseta qetilkirinê, kuþtinê berdewam dike. Mixabin Kanî Yilmaz jî bi sirên xwe çû û ne ewî û ne jî hevalên wî heta niha bi cesaret li ser vê mesela qetilkirina navxweyî nesekinîn. Ew tenê bi awayekî nîvco siyaseta PKKê rexne dikin, dîsa jî ji qetilkirina desthilatdarên PKKê xelas nabin.

    PWD di daxuyaniya xwe de li ser qetilkirina Kanî û Sebrî bi zimanê Tirkî wiha dinivîsîne :
    Olayý gerçekleþtiren ekip PKK tarafýndan görevlendirilmiþtir. Bombayý araca yerleþtiren Urfa Hilvanlý Numan ( Veli Çat ) geçen yýlýn baharýnda PKK Özel Kuvvetlerinden ayrýlarak görevli gönderilmiþtir. Ve yaklaþýk bir yýldan beri Süleymaniye yakýnlarýndaki Seyit Sadýk kampýnda kalmaktadýr. Olaydan hemen önce katil ile baðlantý kuran ve patlayýcýyý saðlayan ise, Murat Karayýlan’a baðlý HPG askeri istihbarat üyesi Serdar kod adlý Bitlisli bir kiþidir. Bu kiþilerin olay öncesinde cinayetin gerçekleþtirilmesine iliþkin telefon kayýtlarý mevcuttur. ( Ekîba ku bûyer pêkanî ji aliyê PKKê ve hatiye vatinîn. Ewê ku bombe di erebê-seyarê de bi cîh kiriye ji Hîlvanê, Nûman (Veli Çat) e, ku di bihara sala berê ji PKKê hêzên taybet hatiye veqetandin û wek peywirdar hatiye birêkirin. Ev nêzîkî salekê ye, ku li nêzîkî Sulêmaniyê di kampa Seyît Sadiq de dimîne. Ewê beriya bûyerê bi qatîl re dikeve têkiliyê û teqemeniyê ( bombe ) peyda dike mirovekî ji Bedlîsê ye û navê wî yê kod Serdar e, ji îstixbarata hêzên taybet yên HPG, ku bi Murat Karayilan re girêdayî ye. Beriya ku van mirovana bûyera cinayetê bikar bînin qeydên axaftina telefonên wan hebûn.

    Bi rastî min heta niha ti tiþtekî ji PWDê fêhm nekiriye. Çawa partiyek Kurd e? Her çiqas ew ji PKKê veqetiyabin jî, lê mixabin hên di mêjûyên xwe de ne hatine guhertin û bi mentalîta PKKê û ya Apociyan tevdigerin. Zimanê wan yê fermî Tirkî ye. Yek gotinek Kurdî di malpera wan de tine ye. Daxuyaniyên wan hemî bi zimanê Tirkî ne. Ew partiya ku bi zimanê Kurdî neaxive, dê çawa derdê xwe ji gelê Kurd re bibêje bavo ? Ê baþ e di destê wan de qeydê telefonê hene, çima di malpera xwe de naweþînin ?

    Çavkanî malpera, www.pwdnerin.com
    http://www.pwdnerin.com/modules.php?name=Content2&pa=showpage&pid=110


    Selîm Çürükkaya ji wan kesan e, ku bi salan e bi cinayetên Apo li hemberî welatparêzan tîne ziman. Selîm Çürükkaya berê li ser “Ayetên Apo” pirtûkek jî weþandibû. Û ewî niha di nivîsa xwe de, ya ku li ser qetilkirina Kanî Yilmaz nivîsiye û di maplera www.rizgari.com de weþandiye, li ser qetliyamên bi destê Kanî Yilmaz li dijî welatparêzan tiþtên pê xwîna mirovan sar dibe tê sekinandin dibêje.

    Ka em berê, nivîsa Selîm Çürükkaya bi zimanê Tirkî ( wergera nivîsê li jêre ) bixwînin û paþê vegerin ser mijarê :
    Öcalan`ýn hakkýmda verdiði ölüm emrinin uygulayýcýsý bizzat Kani idi. Bundan iki yýl önce bir toplantýdaydým. Ýki kiþi yanýma geldi. Birisini tanýyordum, diðer uzun boylusunu tanýmýyordum. Benimle konuþmak istediler, bir köþeye çekildik.

    Uzun boylusu hal hatýr sorduktan sonra :
    „Abi, seni öldürmem için Kani Yýlmaz bana emir verdi 15 gün Münih'teki Fuat Çavgun`un evinin etrafýnda dolandým. Ýyiki gelmedin“ dedi.
    Evet katil adayýmla karþý karþýya idim, acýyarak adamýn yüzüne baktým „Peki, Kani efendi neden vuracaðým ? “diye sormadýn mý ?“ dediðimde.

    Karþýmdaki adam :
    “Aðabey o zaman soru sormak yoktu !” dedi. Peþime salýnan katil adaylarý yalýnýz bu deðildi, daha çok kiþiyi biliyorum. Kani bütün bu robot katil adaylarýnýn Apo`nun elindeki kumandasýydý. Ama Kani iki gün önce sömürgeciler ve Apo` nun yarattýðý sistem tarafýndan katledildi. Ve ben katil adayýmýn katledilmesine üzüldüm. Lanet olsun o sisteme ki; Kani`nin eliyle kendi arkadaþlarýný asitte yok ederken, Kani`nin arkadaþlarý eliyle Kani`yi toz edip havaya savuruyor !

    Ýþte ben buna yanýyorum ! Bunu anlatamadiðim için kahroluyorum! Asitte yok olmuþ Mehmet Çimen için, toz olmuþ Kani Yýlmaz için, Yakýnda bir baþka korkunç yöntemle yok olacak olan Kani`nin katili için Bütün bunlarýn ne anlama geldiðini bilmeden ve hala „Biji serok Apo“ diyen halkým için aðlýyorum !

    Selîm ÇÜRÜKKAYA 13 Þubat 2006 :
    ( Ewê dermafê kuþtina min de emrê, ku Abdullah Öcalan dabû bi kar bianiya Kanî bû. Ez ji vir du sal berê li civînekê bûm. Du kes hatin ba min. Min yek nas dikir, min ewê dirêj nas nedikir. )

    Wan dixwest bi min re biaxivin, em kiþiyan koþekî. Ewê dirêj di pê pirsîna hal û hatirê min got :
    ‘kekê ji bo ku ez Te bikujim Kanî Yilmaz emir da min. Ez 15 rojan li Münihê, li der û dora mala Fuat Çavgun geriyam. Baþ bû ku Tu nehatî’ Belê ez bi namzetê qatilê xwe re hatibûm rû bi rû. Ez ber pê ketim û min li rûyê wî mirovî mêze kir. Dema min jê pirsî ku ‘Ê baþ e, Te ji Kanî efendî ne pirsî, ku tuyê çima min bikujî ?’ Ewî mirovê li hemberî min got ‘kekê wê demê pirs pirskirin tunebû’ Ew kesên li dû min namzetê qatilê min bûn, ew tenê ne bû, ez pir kesên din jî dizanim. Kanî qumandoya destê hemû namzetên qatilên bi robot yên Apo bû. Lê Kanî du roj berê bi destê koledar û pergala ku Apo afirandiye hate qetilkirin. Û ez ber qetilkirina namzetê qatîlê xwe ketim. Nalet be li wê pergalê ku; bi destê Kanî hevalên xwe bi Asîttê tune kirin, Kanî jî ji aliyê hevalên xwe ve hate toz û dûman kirin û li hewa hate belav kirin. Ez bi vê diþewitim! Ez qehr dibim, tême hecandin, ku min heta niha gotinên xwe nedan fêhm kirin! Ez ji bo halê Mehmet Çimenê, ku bi Asîttê hate tune kirin digirîm, ji bo Kanî Yilmazê bû toz, bi halê qetilê Kanî, ku ji nêzîk ve bi awayek erjeng bê tunekirin û bi halê gelên xwe, ewên van hemû bûyerên têne kirin hên jî nizanin, ku ev tê çi wateyê digirîm û di ser de jî ‘Bijî serok Apo’ dibêjin fêhm nakim.

    Çavkanî malpera rizgarî : http://www.rizgari.com/modules.php?name=Rizgari_Niviskar&cmd=read&id=717

    Selîm Çürükkaya di nivîsa xwe de gazin û lomeyên xwe ji gelê Kurd dike, ji bo gelê Kurd digirî, diþewite, diperite, diqehire û dipirse, dibêje çawa dibe, ku hên jî gelê min li pê vî mirovî dihere û dibêjin “Bijî serok Apo” Ê Baþ e divêt beriya her kesî Selîm Çürükkaya vê pirsê ji xwe bike û bersiva wê bide. Yên ku di serî de Abdullah Öcalan kire Apo û di nava gelê Kurd de kire serok û merok, bi destê zorê bi Kurdan siloganên wek “Bijî serok Apo” û hwd. da avêtin û Abdullah Öcalan kire bela serê Kurdan û ew berî gelê Kurd dan Selîm Çürükkaya û Kanî Yilmaz bi xwe bûn. Belê niha baþ e ku Selîm Çürükkaya wisa van bûyeran tîne ziman, ku ji pirsgirêkê re çareseriyek bibîne. Îjar li vir pirsên min ji wî hene, ez jê daxwaz dikim, ku ew di vir de jî bi mêranî bersiva van pirsan bide û hin tiþtên heta niha nehatine zelalkirin, zelal bike. Eger Selîm Çürükkaya ji xwe dest pê bike, ku pirsgirêka qetliyamên PKKê li hemberî welatparêzan çi di nava PKKê û çi jî ji partiyên Kurdan yên din de, dê bersiva pirsên min ji pir kesan re jî bibe cesaret û destpêka çareserkirina qetliyamên ku bi destê desthilatdarên PKKê li dijî welatparêzan hatine kirin.

    Pirsên min ji Selîm Çürükkaya :
    1 - Dema Tu di salên 1980î û 1990î de çi li Kurdistanê, çi li Tirkiyê, çi li Rojhilata Navîn û çi jî li Ewropa, Te bi biryara Abdullah Öcalan ve biryara qetilkirin, kuþtin, lêdan, îþkence kirin, yan jî cezakirina çend kesan da û navê wan kesan çi ne û sedemên wan çi bû ?
    2 - Ew mirovên ku dixwestin Te bikujin, navê wan çi ne ? Û ewên xwestin Te bikujin, wan çend kesên din kuþtine ?
    3 - Te bi destê xwe çend Kurdên welatparêz îþkence kirin û kuþtin ?

    Rayedarê PKKê Murat Karayilan di daxuyaniyekê de qetilkirina Kanî Yilmaz înkar dike û dibêje, wan Kanî nekuþtiye. Jixwe ji Apociyan li hêviya tiþtek wisa mayîn ku ew sûcê xwe qebûl bikin û bêjin wan Kanî Yilmaz qetil kiriye ji bilî xêtiktiyê ( enayilik ) pêve tiþtek din nîne. Apociyan heta niha cînayeta kîjan welatparêzî qebûl kiriye, ku cinayeta Kanî Yilmaz û hevalê wî jî qebûl bikin. Eger Apociyan cinayeta li hemberî Kanî Yilmaz qebûl bikirana dê wê hingê þik û gumana minê li ser wan bima. Çimkî di dîroka PKKê de tiþtên wisa ecêb hene, ku hin bûyer bi destê dijminan hatine kirin û wan jî ew bûyer girtine ser xwe. Mînak pir in, lê hêja ye, ku yek mînakî bidim. PKKê bi emrê Abdullah Öcalan di destpêkê de li Bakur bi dehan caran jin û zarokên qoruciyên gundan bi awayekî hovane ji holê radikir. Ev bûyer ji dewleta Tirk re bûn hacet ( malzeme ) û dewletê jî bi destê leþkerên xwe yên bi taybet bi kincên gerîla diketin gundan û zarok û jinên Kurdan qetil dikirin û digotin PKKê kiriye. Apociyan jî ew bûyerên dijminan didan ser xwe û digotin wan kiriye. ( Kesên baweriya xwe bi van gotinan naynin bila ji kerema xwe li arþîvên wê demê binêrin ). Sûc qebûlkirin jî mezinahî ye, mêranî ye, ew cesareta ku di Apociyan de sûcên xwe qebûl bikin tine ye. Ne merdanî karê wan e.

    Apociyan siyaseta Kemalîstan, siyaseta dujminan ya bi gemar, ya ne merdane xistin nava civat û tevgera Kurd. Qasî ku ez dîroka Kurdistanê û civata Kurd nas dikim, di civata Kurdan de kuþtina bi qeleþî û terorîstî tine ye. Çi tiþt dibin di çarçova pîvanên mirovan, bi mêrxasî dibin. Ew mêranî û mêrxasî ketiye nav çîrok û stranên Kurdî jî.

    Hêja ye, ku di vir de mînakek ji Stranên me yên gelêrî bidim, STRANÊN ÞERAN Strana SEYÎDXANÊ KERRÊ Dengbêj Husênê Farî wiha dibêje :

    Farî Seyîdxan bi du - sê dengan dikir gazî, digot :
    Lolo Tewfiqo !, Selhedîn !, Elîcan !, Ferzende ! Hûn beþera çavên min in, hûn ji mêran mêrên çê ne, hûnê destên xwe bavên qevdên mîratên modeliyan, emê mîna caran bi hevdu re lêxin lo lawo bi mêranî. Na, na wele ji Xwedayê min ve aza û besîr e, me kir û nekir, bîbiyo lomekarno! Me xwe ji destê beg û beglerên kurmancê vî welatê xwe dernanî. Lolo Tewfiqo! Lo bira ! Serê vê sibê, li orta meydanê, ji kuþtina Sidîqê lawê Mustefa Begê re, haylo tu çawan î ?

    Mirov dikare ji dîroka Kurdan bi hezaran mînakên wiha bi mêrxasî bide. Dema mirov guhdarî van stran, çîrok û gotinên bav û kalan dike rastî û duristiya civata Kurdî tê de dibîne û dibîne ku dujiminên hevdu jî li hemberî hev çiqas bi rêz û durist tevgeriyane.

    Hingiya Abdullah Öcalan li Îmralî di nava lepên Generalên Tirk de ye û bi gotina generalan ve radibe û rûdinê, ku tevgera Kurd ji holê rabike, bi hezaran gerîla ji PKKê veqetiyane û niha li Baþûr dimînin. Ji wan gerîla tenê nêzîkî 2000 ( du hezar ) li Duhokê dimînin. Dema ku ez sala par li Duhokê di festivalê de beþdar bûm, min gelek ji wan di festivalê de dîtin û naskirin. Ew kesên min li Duhokê naskirin gellek li ser rewþa gerîla ya xerab li Kurdistana Azad bi gazin û lome bûn. Min li ser gazin û lomeyên wan bi çend hevalên PDK yên berpirsiyar re qise kir. Lê gazin û lomeyên wan hevalên PDK jî hebûn. Biraderên PDKê digotin, dema gerîla berê ji PKKê vediqetiyan û dihatin ba me, me bê fikar hemû derfet û îmkan dida wan. Ji wan gerîla pir kes jî niha di nav pêþmergan de berpirsiyar in. Ji ber ku ew li gerîla xwedî derdiketin, Apociyan dest bi siyaseta cinayetan kir û bi dehan gerîla li Duhokê bi destên wan hatin qetilkirin. Hevalên PDKê bi taybetî ji min re behsa bûyerekê ji vir du sal berê kirin, dema mirov tiþtên wiha dibihîse pê dîn û har dibe.

    Berî sê salan xortek û keçikek ji Apociyan vediqetin û li Duhokê bi cîh dibin. Herduyan jî ji hevdu hez kirine û bi hev re dizewicin. Paþê zarokek wanê keçik jî tê dinyayê. Apocî ji vir du sal berê rojekê ji Qendîlê du keçikên gerîla diþînin ba wan, ku wan ji holê ra bikin. Ew diherin ba wan gerîlayên ku berê ji PKKê veqetiyane û ji wan re dibêjin “em jî ji PKKê veqetiyan û dixwazin li ba we bimînin”. Ew xort û keçika ku berê li Duhokê bi cîh bûne û keçikek wan jî hebûye li wan xwedî dertên û wan li mala xwe dikin mêvan. Wan herdu keçikên bi niyet xerab du þevan li mala wan camêran dimînin û þeva sisiyan serê herduyan û serê keçika wana zarok jê dikin û bi þev vedigerin Qendîlê. Ji destê vê siyaseta Apociyan ya bê serî û bê berate bi hezaran gerîla niha li Duhokê di jiyaneke pir xeter de dijîn. Jiyana wan jiyana rojan e, ya nan û zik e. Ti perspektîvek li pêþiya wan tine ye.

    De binêrin Kurdino ev e edelata Apociyan.

  • Mixabin em qebûl bikin an jî qebûl nekin, Apociyan komek ne hindik ji gelê Kurd dane dû xwe û rewþenbîrên robot, yên karton ji nava wan derxistine, ku bi siyaseta sê meymûnan bi gelê Kurd re dilîzin. Ewên ku di pê ewqas wehþetê li hemberî gelê Kurd hên jî li dû siyaseta Abdullah Öcalan ya Kemalîstan dimeþin û xwe wek rewþenbîr dihesibînin dê sibê nikaribin xwe di nava gelê Kurd de biparêzin. Ewên bê deng bimînin dê dor were wan jî ...............

  • Kî bawer dike bila bike, lê ez ti demê ji Apociyan ne bawer im, ku ewê Kurdistaneke serbixwe rizgar û azad ava bikin. Çimkî ew di xizmeta generalên Tirk de ne û bûne don kîþotên Kemalîzimê.

    Ji qatîl û kujeran re :

  • Kî wî mafî dide we, ku hûn serê dayîk û bavikên Kurdan bi îftira îxanetiyê zarokên wan wek xayîn bidin naskirin û serê wan berjêr bikin. Dayîk û bavikên Kurdan bi keda salan di nava ewqas tinebûnê de, tengasiyan de bi delalî zarokên xwe xwedî kirin, ji wan hez kirin, ew mezin kirin û bi we Apociyan bawer kir û zarokên xwe ji bo rizgarkirina Kurdistanê teslîmî we kirin.

  • Hemû derfetên we yên ku hûn mirovan û mirovatiyê qetil bikin, bikujin hene. Lê hûn jî ti demê nikarin ji bilî qetilkirin û kuþtina welatparêzan bibin ti tiþtekî û dê her dem serê we berjêr be. Hûn nikarin bibin mirov jî û dê hûnê heta hetayê di tirsa mirinê de bimînin û dê herdem di fikara hûnê kîngê ji holê rabin de bimînin.


    Kurdistaniyên hêja !

    Ti sedemek ji bo qetilkirin û kuþtina mirovan nayê qebûl kirin, pejirandin. Ti kes, partî an jî rêxistin nikare di xwe de wî mafî bibîne, ku mirovan bikuje. Li welatên þaristaniyê lê nayê gerîn ku ew mirova kî ye? Çi ye? Dema mirovek bê qetilkirin edeleta welatên demokirat bi hemû derfetên xwe lê dixebitin, ku qatilan bibînin û li hizûra dadigehê cezayan bidin wan. Niha di qetliyama Kanî Yilmaz de jî daxwaza hemû mirovên demokirat û mafparêz ew e û li wê hîviyê ne, ku qatilên Kanî û hevalên wî bêne girtin û cezakirin. Ji ber ku bûyer li Kurdistana Azad bûye, loma ev karê wan e, ku qatilan bibînin û ji Apociyan hêsaban bipirsin. Çimkî Apocî bi van bûyeran ve leke tîne ser wan û wan jî di bin tawanbariyan de dihêle. Loma Kurdistana Azad mecbûr e vê pirsê çareser bike û nehêle, ku qatîl li Kurdistana Azad cirîtan biavêjin.

    Almanya, 25. 02. 2006

    FÛAD SÎPAN ( AKPINAR )

    fuadsipan@yahoo.de

    Kurdistan Welatê Kurdaye - Her Bijî Kurd û Kurdistan

    http://www.pdk-xoybun.com

    http://www.xoybun.com/extra/slide/Unbenannt-2.swf


  •   

    [ Vegere: Fûad SÎPAN | Indeksa Beþan ]


    | PDK-Baþur | PDK-Baþur | PDK-Xoybun | PDK-Rojhilat | Kurdistan Media | Xebat |


    PDK - XOYBUN.Com 2003 All Rights Reserved
    Email : xoybuncom@yahoo.de
    _______________________________________________

    Ev malper, herî bash, bi Avant Browser, tê xuyakirin...

    Diese WebSeite wird am besten mit dem Avant Browser betrachtet...

    This site is best viewed with Avant Browser...

    Download !!!

    This site is best viewed with Avant Browser...

    Diese WebSeite wird am besten mit dem Avant Browser betrachtet...

    Ev malper, herî bash, bi Avant Browser, tê xuyakirin...

    _______________________________________________

    Content û Naverok


    _______________________________________________

    Pêlê Logoyên Li Jêr Bikin ! Press the Logos Below !


    Open Society Foundations


    Clinton Foundation


    Bill & Melinda Gates Foundation


    Rockefelleer Foundation


    International Monetary Fund (IMF)


    Office Of George W. Bush


    Bush Foundation


    George W. Bush Foundation


    IBRD - IDA | World Bank Group


    Rockefeller Capital Management

    _______________________________________________

    _______________________________________________


    Private Bank - Deutschland Frankfurt

    _______________________________________________

    _______________________________________________

    _______________________________________________

    Neue, Biligen und Große Wohnungen Zu Vermieten.

    Gratis Strom und Heizung für Mieter.

    _______________________________________________


    _______________________________________________


    Ezê Ji Wera, Li Almanyayê, Dikana Pîzza, Ji Nuva Vekim.
    Kontakt Tel. : 0049-176-93036339


    Ezê Ji Wera, Li Almanyayê, Dikana Kîosk, Ji Nuva Vekim.
    Kontakt Tel. : 0049-176-93036339

    _______________________________________________

    _______________________________________________

    Tabacco

    _______________________________________________

    _______________________________________________

    _______________________________________________

    _______________________________________________

    _______________________________________________

    _______________________________________________



    Kurdistan, ''Þerab bi kurdî xweþ e''.

    _______________________________________________



    Þerab : Baron Philippe de Rothschild Wein.



    Þerab : Baron Philippe de Rothschild Wein.

    _______________________________________________


    Wodka Stepanoff - Doppelkorn - Weinbrand und etc

    _______________________________________________






                    
    Google