Çend helbest ji Konê Reþ
Doda, Barzanî û Ala welatê min :
_______________________
Di vê jiyanê de
Min gelek kes naskirin û
Hez gelek tiþtan kir
Hin ji wan
Di çavê min de
Mezin bûn û
Hezkirina wan bi min re ma
Ta ku mirin
Lê bi tenê sê nav
Di cihekî bilind de
Li ser refika dilê min
Hatine danîn û parastin
Her ku dem bi pêþde diçe
Di çavê min,nerîna min û
Huþê min de
Mezintir dibin
Sînor xwe ji ber rêzgirtina wan
Dide alî..
Ezê bi mirim wê ew bimînin zindî
Heger we naskir
Bê ew hersê nav kîne ?!
Yek ji wan gundê min Doda ye
Yek Barzaniyê nemire û
Yek Ala welatê min e...
Konê Reþ
****
Mirovantî :
__________
Kêm kes digihêjin
Pileya mirovantiyê
Kêm kes karin bi kar û barê
Mirovantiyê rabin
Tevî ku em tev
Bi nav mirovin..
Mirovantî;
Bi xwekarî û mêranîye
Mirovantî;
Gernasiya dema nû ye..
Kesê ku bi rast û durist
Mirov be,ewe yê ku
Jê bê xwestin
Pêþûsazê neyarê xwe
Ji dil û can pêk bîne
Wek ku yê xwe
Pêk tîne
Încax;
Wek wan kesan
Gîhabin pileya mirovantiyê.
Qamiþlo - 02.05.2004
Konê Reþ
****
Zeriya min !Dema Dengê te Seh dikim.. :
______________________________
Zeriya min !
Di vê zivistanê de
Bayê bê dest
Bi tiliyên xwe yên sar
Aso hembêz dike..
Daristanên tazî û rût
Di nav qir û sermê de
Di nixumîne ..
Çûk û çivîk
Bê star
Li ser þaxikên daran
Bi melûlî xuya dikin û
Ji neçarî
Ji reþewran
Sirûdên þîniyê dibêjin...
Awazên wan
Tevlî xuþîniya daristanê dibe û
Mîna sîmfoniyeke xemgîn û bi xem
Min di nav kul û keseran de
Kûr û dûr dibe ..
Lê Zeriya min !
Dema ku ez dengê te seh dikim
Wek zengilê naqosa Dêrê ku lê bide
Min ji nav kul û xeman
Hiþyar û rizgar dike û
Geþbîniyekê bi ser min de
Dibarîne
Erê geþbînî..
Konê Reþ
****
Bela bimire.. :
_________
-1-
Bela bimire yê ku;
Ji bavê xwe fedî bike
Li kul û xemên xuþka xwe
Guhdarî neke
Li diya xwe ne pirse
Adet û teqalîdên bav û kalên xwe
Jibîr bike
Zimanê xwe di ser guhan re
Bavêje
Deriyê xwe ji ber dost û hevalan
Bi qepitîne
Bela bimire jêre çêtire
-2-
Bela bimire yê ku;
Ji ronahiyê bi tirs be
Di tariyê de bi live
Wek kund li ser þikêran
Bi lûse
Di tengayiyê de
Kirasê neyaran li xweke
Di firehiyê de
Wek dîkê þinik
Bi qud-qud be..!
Serê xwe ji Partiyan re deyne
Berî çiyayên welatê xwe û
Di her çax û demî de
Di her civat û eywanê de
Karibe bistirê û biraqise
Bela weke van kesan bimirin
Mirin ji wan re çêtire
-3-
Cerê ku av têde
Nesekine
Yê þikenandinê ye
Beriya ku xezal
Lê neçêrin
Ne warê koçeryê ye
Çiyayê ku Pêþmêrge
Lê neyên parastin
Ne cihê piþtdanê ye
Hevalê ku zikreþ be
Bi hewildan be ku
Li ser piþta hevalên xwe
cihekî ji xwe re
Di civatê de ava bike
Megrûdî û eware ye
Qet lê nebe ewle ye
Bela bimire , mirin jêre çêtire
-4-
Xincera ku ji kalan neyê der
Ya avêtinê ye
Tivinga bê berik be
Mîna þîþa tenûrê ye
Kum û kolozê ku
Serî gerim neke
Ne yê danînê ye
Mirovê ku sinc û wijdan
Wî ne hejîne
Mirin jêre çê ye..
Qamiþlo 23.05.2004
Konê Reþ
****
Xanima min , Qamiþlo ! :
__________________
Te çi divîbe
Bela ji te re be
Bela bejna qamîþ û qamir
Li ber bayê te
Bêne hejandin..
Di zayîna te ya nû de
Kêm kes dikarin
Di vî asoyê te yê xemgîn de
Mirinê bi afirînin..
Di vê xaka te ya bi xwîn de
Wê xortên nû bêne þîn bûn û
Her tê weke xwe bi mîne
Tê weke xwe bimîne û
Wê careke din
Li ser peravê çemê Ceqceq
Hevdîtina yaran
Girnijandina yaran
Dilketina yaran
Jiyanê xweþ bikin
* * *
Qamiþlo,Xanima min !
Çendî çolistanê hewildaye ku
Kirasê xwe li te bike
Kirasê wê li te teng derketiye û
Kirasê çiyayî ji te
Ne hatiye kirin..
* * *
Xanima min !
Îro stêrka te di asmanê welat de
Di çirise
Bi hewildane ku careke din
Çemê Ceqceq bi herike
Careke din
Ava kaniya Reþ û Spî
Hilm û bîna çiyayê
Bagokê û Omeriyan
Bi ser me de
Bi fûrîne ..
Serxet û Binxetê
Ji ferhenga xwe bavêje..
* * *
Xanima min !
Êdî bese ,bela bes
Dergevanên dergehên te
Zêrevaniya xewnên me
Bikin û
Gemîvaniyên xwe
Di nav deryaya kul û xemên me de
Werkin...
* * *
Xanima min !
Hêsrên þor
Bi ser dêmê min de
Di xindirin, dinesilin û
Qet nikarim xwe
Ji bejna te
Daweþînim..
Hestî ji goþt derînim û
Hêj dengê Cegerxwînê Hesarî;
(Kîme Ez !)
Di qulên guhê min de
Li hev vedigere..
* * *
Xanima min !
Bi hêvîme tu nebe
Ardiwê gunehkaran
Di destê Bekoyan de ..
Wê tev bi revin û koç bikin
Stêra tevan wê here ava
Bi tenê tê bi mîne
Dîdevanê demê û
Roka te
Qet naçe ava
Ji ber ku
Asman yê te ye
Aso yê te ye
Qamiþloka min
Xanima min
Evîna min ..!
Qamiþlo 01.04.2004
Konê Reþ
****
Axa welatê min :
____________
Heger Welatê xelkê
Bi av û kanî bin
Bi dar û devî bin
Bi xan û avanî bin ...
Û Welatê min
Bê av , kanî çikî bin
Bê dar , devî çilmisî bin
Bê xanî , mal herifî bin ...
Ez mistekê ji axa
Welatê xwe ...
Nadim bi
Axa tu Welatî .
Konê Reþ
****
Ziman :
_____
Ji min werê
Bi tenê zerîyên
Welatê min
Xweþik in
Bejin zirav in
Dêm girover in
Meþ qitikîne ...
Ta ku min xweþik û rindên
Welatê xelkê dîtin
Ku ew jî
Þox û þepal in
Meþ ordekîn in
Poz çelengîn in ...
Lê bi tenê
Bi tiþtekî tenê min
Zerîyên Welatê min
Ji wan bi cuda dîtin
Heger hûn zanin
Bê ew tiþt çiye ?
Heger hûn zanin ?
Konê Reþ
****
Ez û Japonîyekê :
_____________
Li Þamê me hev dît
Çend rojan em
Bi hev re geriyan û
Me dît..
Di nav re
Min kul , êþ û derdên
Gelê xwe jê re dot ..
Wê jî
Kêf , xweþî û þahîyên
Gelê xwe ji min re got
Û pêre- pêrere dilê min sot ...
Vegeriya Osaka
Bi kêf û þahîyên xwe
Daket
Vegeriyam Kurdistanê
Bi kul , êþ û birînên xwe
Biliyam ...
Konê Reþ
****
Doda :
_______
Nizanim çilo vê nîvrojê
Huþê min firiya çû Doda ?
Gundê ji hezarê salan ve ,
Bi xanîk û manîk ava ,
Dîdevanê bûna min
Û jiyana sereta ...
Gundê bi dewar , sewal û
Keriyê pez ;
Bi car , newal û
Dar û rez ;
Gundê ku li ser
Du þivên hesin
Maye raketî ;
Ji jor ve bi nav bûye
Serxet
Ji jêr ve bi nav bûye
Binxet
* * *
Doda ;
Bêndera kul , êþ û janên min ...
Stirana :
(Bavê Syero û Derwêþê Evdî )
Û evîna min ;
Hêlîna pîr û kal , jin û mêr ,
Keç û xort û tev
Gundîyên min .
* * *
Doda ;
Ji pêncî salî ve ,
Xwe di nava min de
Dipêçe ;
Ji danheva pûþ , qîvar û þoqilan ...
Ji ser ( girê Qereçe ) ;
Ta bi henek û laqirdîyên
( Seyid Xelîl û Þêr Elî )
yên ku tew ji hiþ naçe ...
* * *
Doda ;
Tirabêlik û xwêdana
Ku ez pê hatime þûþtin ...
Bêhinvedana þivanan
Li ( guhera Ademo ) û
Rawestandin ;
Leza bêrîvanan ta bi
( Guhjîka Ehmê ) û
Pez dotin ;
Xwêdana xebatkarên
( Besta zixur û Duavê ) û
Qûm firotin ;
Civata her êvar
Li ser banê gir
Û þor û gotin ;
Çîrokên jin û jinbiyan
Li ser tenûrê
Û qal û qult û þerkirin ;
Serpêhatiyên apê min ( Birko )
Û þev buhirandin ...
* * *
Ji Doda re ,
Ji girê Doda re ,
Ji sax û mirîyên Doda re ,
Û ji ( Kevrê Birûskê ) re ... ;
Destan li ser hev datînim ,
Temene û xûz dibim ,
Xweþî , geþî û pêþketinê
Ji tev gundiyan re dixwazim .
Konê Reþ
Mafê Kopîkirin &kopîbike; PDK-XOYBUN; wiha, di xizmeta, Kurd û Kurdistanê daye : Pirojeya Kurdistana Mezin, Pirojeyên Aborî û Avakirin, Pirojeyên Cand û Huner, Lêkolîna Dîroka Kurdistanê, Perwerdeya Zimanê Kurdî, Perwerdeya Zanîn û Sîyasî, Weþana Malper û TV yên Kurdistane. Tev maf parastî ne. Weþandin:: 2004-07-19 (4815 car hat xwendin) [ Vegere ] | PRINTER |
Ev malper, herî bash, bi Avant Browser, tê xuyakirin...
Download !!! 
